ସଚେତନ୍ ରହେମା ସଜାଗ୍ ରହେମା୍

ଛୁଆବୁଢାଯୀଏଁ ଧାଙ୍ଗରା ଧାଙ୍ଗରୀ

କାହାକେ ଛାଡବାର ନାଇଁ

ଯିଏ ହେବା ସାଙ୍ଗେ ସାଙ୍ଗ ସରସା

ଆଉସେ ଫିରସା କାହିଁ l

କୋରନା ଭାଇରସ୍ ବନେ ବରକସ

ଆଇଛେ ଚୀନନୁ ଦଉଡ଼ି

ଯାହାକେ ଆମରାଲାଲତରଟଁ ଟିକେ ଭାଇ

ଦଉଛେ ସେତ ମାଡ଼ି l

ସାଧା ଥଣ୍ଡା ଖାସି ଲକ୍ଷଣ ଇତାର୍

ଜାନିଥ ଭାଇମାନେ

ହେଲେ ଥଣ୍ଡା ଖାସି ଡାକ୍ତର ଟିକେ ଯାଇ

ଦେଖେଇ ହେବ ସେ ଦିନେ l

ଛ, ସାତଦିନ ଯାଏକ୍ ଦେଖି'ବ ଯଦି

ଥଣ୍ଡା ଲାଗିଥିବ ରହିଁ

ହେଲୁଆ ନାଇଁ ହେବ ଡାକ୍ତର ଦେଖା

ଡାକ୍ତର ଖାଇକୁ ଯାଇ l

ପୁହୁରା, ଅସ'କଟିଆ, ମଲାଠାନେ

ରହସି ଘର କରି

ସାଫ୍, ସୁତରା ଯେତେ ଆଏନ୍ ଜାଗାକେ

ଦେଶି ସେ ଘର କରି l

ହେତିର ଲାଗି ମୁଇଁ କହୁଛେଁ ଭାଇ ହୋ

ସାଫ୍ ସୁତର ହେଇ ରହ

ସାଫ୍ ସୁତର ହେଲେ ଇ ବେମାର ସତେ

ନାଇଁ ବଢେ ଆରୁ ଜହ l

ହାତଜୁଜିକର ଜୁହାର ସମ୍'କୁ

ହାତ ମିଲାମୁଲି ଛାଡି

ବାହାର୍ କେ ବାହାର୍ ଲେ ମୁହେଁ ମୁଖାପିନ୍ଧ

ଇ, ବେମାର୍ ନାଇଁ ପାରେ ବଢି l

ଥଣ୍ଡା ଖାଁସି ଠାନୁ ଦୂରେ ତରହ

ନାଇଁ ଖାଅ ଥଣ୍ଡା ଖାନା

ଚୁଛେଁ ଚୁଛେଁ ବାହାରି ଭଁଟାକେ

ନାଇଁ କର ଆନା ଯାନା l

ସାବୁନ, ସାନିଟାଇଜର ଲଗେଇ

ଭଲସେ ଧୁଅ ହାତ

କୋରୋନା ଚାଲି ନାଇଁ ପାରେ ଆରୁ 

ହେବା ତାହାକେ ବାତ l

ନାଇଁ ଡରିଯିବ ହୁରୁଦ୍ ଭିତରୁ

ଦମ୍ ଧରିଥିବ ଖାଲି

ସଚେତନ୍ ରହି ସଜାଗ୍ ହେମା

କରୋନା ବି ଯିବ ପଲେଇ 

ସେମେଲ୍' ତଲିଏନ୍ ମାଁ ସମଲେଇ

ସାହା ହେଉଛନ୍ ସମ୍'କୁ

ବିପଦ ନାଇଁ ଆସେ କାହାକେ   ।।