ମୋ ଦେଶ

ଯାହାର ପାଦରେ ଶୋଭେ ରତ୍ନାକର, 

ଯାହା ମୁକୁଟ ସାଜେ ହିମାଳୟ,  

ପୂର୍ବରେ କାମାକ୍ଷା ପଶ୍ଚିମେ ଦ୍ଵାରକା,

କୋଣେ କୋଣେ ଯେଉଁଠି ଦେବାଳୟ I

ନଗର ନଗର ଏଠି ଇତିହାସ,

ଚାରିଧାମ ଏଠାରେ ତୀର୍ଥସ୍ଥଳ, 

ଗଙ୍ଗା ଯମୁନାର ପୁଣ୍ୟତାରେ ଭରା,

ଯେଉଁଠାରେ ନଦ ନଦୀର ଜଳ I 

ମୌସୁମୀର ବଳେ ଯେଉଁଠି ନଭରେ,

ଆଷାଢ଼ ଦିନେ ଶୋଭେ ମେଘ ମାଳ, 

ବରଷାରେ ହସେ ସବୁଜ ଧରଣୀ,

ବହେ ଯେଉଁଟି ସମୀର ଶୀତଳ I 

କାନନେ କାନନେ କୋଇଲିର କୁହୁ,

ସରୋବରେ ନାଚେ ଶ୍ଵେତ ଉତ୍ପଳ 

ତିନି ଭୁବନରେ ଅଟେ ଅନୁପମ,

ଖୋଜିନିଅ ସ୍ଵର୍ଗ, ମର୍ତ୍ତ୍ୟ, ପାତାଳ I