ଅଭିମାନୀ ଲକ୍ଷ୍ମୀ
ଅଭିମାନୀ ଲକ୍ଷ୍ମୀ
ବାଟ ଛାଡ଼ ଲକ୍ଷ୍ମୀ ଯିବି ବଡ଼ ଦେଉଳକୁ
ମୋତେ ଛାଡି ଚାଲି ଗଲ କାହିଁକି କୁହ, ତୁମ ଗୁଣ୍ଡିଚା ଘରକୁ
ତୁମେ ଗଲା ଦିନୁ ମନ୍ଦିର ଶୂନ୍ୟ ହେଲା
ଗହଳି ଶୁଭେ ନାହିଁ ଏକା ଏକା ଲାଗିଲା
ତୁମେ ଭାରି ଛଳିଆ ,ଅଣ ସରୁ ଉଠି ଗଲ ରଥ ଯାତରାକୁ
ବାଟ ଛାଡ଼ ଲକ୍ଷ୍ମୀ ଯିବି ବଡ଼ ଦେଉଳକୁ
ହରି ବୋଲ ଶୁଭୁ ନାହିଁ ଛପନ ଭୋଗ ବି ନାହିଁ
କଳମ୍ବ ଶାଗ ଖାଇ ଥିଲି ତୁମକୁ ଚାହିଁ
ମାଉସୀ ମା ହାତୁ ପୋଡ଼ ପିଠା ଖାଇ,
ଛଅ ଦିନ କହି ଆସିଲ ନଅ ଦିନକୁ
ବାଟ ଛାଡ଼ ଲକ୍ଷ୍ମୀ ଯିବି ବଡ଼ ଦେଉଳକୁ
ବଡ଼ ଭାଇ ଥିଲେ ସାଥିରେ ମୋହର
ଯାଇ ଥିଲେ ସିଏ ଗୁଣ୍ଡିଚା ମନ୍ଦିର
ବଡ଼ ଭାଇ ସାଥେ ନେଇ ପାରେ ନି, ଲକ୍ଷ୍ମୀ ତୁମକୁ
ବାଟ ଛାଡ଼ ଲକ୍ଷ୍ମୀ ଯିବି ବଡ଼ ଦେଉଳକୁ
କବାଟ ଖୋଲି ଦିଅ ଅଭିମାନ ଛାଡି ଦିଅ
ଆଣି ଅଛି ରସ ଗୁଲା ତୁମ ପାଇଁ ନିଅ
ଭକ୍ତ ପାଇଁ ମୋ ଲୀଳା କରି ଥିଲି, ସବୁ ଯୁଗକୁ
ବାଟ ଛାଡ଼ ଲକ୍ଷ୍ମୀ ଯିବି ବଡ଼ ଦେଉଳକୁ ।