ଧନ୍ୟ ଗୁରୁ ଦେବ

ଧନ୍ୟ ଗୁରୁ ତୁମେ ଧନ୍ୟ ତୁମ ଲୀଳା

ମୁହିଁ ଅବଳା ,ମୁ ଯେ ଦୁର୍ବଳା

ପାରିକର ମୋର ସଂସାରେ ଭେଳା ।

ତୁମ ପାଇଁ ମୋର ହୁଅଇ ଜ୍ଞାନ

ଦୟା କର ଗୁରୁ ଆହେ ଭଗବାନ

ତୁମ ଦାସ କୁ ପାଦେ ଦିଅ ସ୍ଥାନ

ତୁମ ନାମେ ମୋର ବିତି ଯାଉ ଦିନ ।

ମୋ ପାଇଁ ତୁମେ କର ନାହିଁ ହେଳା

ତୁମ ବିନା ଦୁଃଖ କିଏ ବୁଝେ ଭଲା

ଧନ୍ୟ ଗୁରୁ ତୁମେ ଧନ୍ୟ ତୁମ ଲୀଳା ।

ତୁମ ପରି ଗୁରୁ କିଏ ହେବ ମୋର

ଯିଏ କରି ନେବ ମୋତେ ଆପଣାର

ତୁମ ପାଇଁ ହେଲା ଏଇ ଜନ୍ମ ମୋର

ଆହେ କୃପାମୟ ମୁହିଁ ହେଲି ଛାର ।

ଆସୁ ମୋ ଜୀବନେ ପୁଣ୍ୟ ର ବେଳା

ହରି ନାମ ଗାଇ ହେବି ତୁମ ଚେଲା

ଧନ୍ୟ ଗୁରୁ ଧନ୍ୟ ତୁମ ତୁମ ଲୀଳା ।