ସ୍ଵଚ୍ଛ ଭାରତ ଅଭିଯାନ
ସ୍ଵଚ୍ଛ ଭାରତ ଅଭିଯାନ
ଶୁଣ ହୋ ସୁଜନେ ଶୁଣ ମନ ଦେଇ
ଶୁଣ ଶୁଣ ମୋର କଥା
ବୁଝିଲା ଲୋକଙ୍କୁ ଲାଗିବଟି ଭଲ
ନହେଲେ ଲାଗିବ ପିତା
ଅଳିଆ ଅସନା ଆବର୍ଜନା କେବେ
ଘର ପାଖେ ନ କରିବ
ନାଳ ନରଦମା ଯଦି ଥିବ ପାଖେ
ତାକୁ ସଫା ରଖୁଥିବ
ମଶା ମାଛି ଯେତେ ସେଇଠୁ ଜନମି
କରନ୍ତି ମହା ଉତ୍ପାତ
ପରିବେଶ ଯଦି ରଖୁଥିବ ସଫା
ସେମାନେ ହେବେ ନିପାତ
ରାସ୍ତା ଦୁଇ କଡ଼େ ବଣ ବୁଦା ମୂଳେ
ନ କରିବ ମଳତ୍ୟାଗ
ପାଇଖାନା ଟିଏ ଘରେ ବସାଇଲେ
ପଡ଼ିବନି କାଳ ଯୋଗ
ରାସାୟନିକ ସାର ହୋ ସୁଜନେ
ନ କରିବ ବ୍ୟବହାର
ଜୈବିକ ସାରକୁ କାମେ ଲଗାଇଲେ
ଜୀବନ ହେବ ସୁନ୍ଦର
ଜରି ପଲିଥିନ ପରିବେଶ ପାଇଁ
ଅଟଇ ହାନୀକାରକ
ନିଜ କଥା ଭାବି ସ୍ଵାର୍ଥବାଦି ହେଲେ
ଭୋଗିବା ନିଶ୍ଚେ ନରକ
ବାୟୁ ମଣ୍ଡଳର ପ୍ରଦୂଷଣ ଭାଇ
ଉତ୍ତାପ ବୃଦ୍ଧି କାରଣ
ଏ ସବୁ ସମସ୍ୟା ହୋଇଯିବ ଦୂର
କରିଲେ ବୃକ୍ଷ ରୋପଣ
ଗାଁ ପରିମଳ ଧୋବା ତୁଠରୁ ଯେ
କହିଛନ୍ତି ଜ୍ଞାନୀଜନ
ମୁଁ ଯାହା କହୁଛି ମାନି ଚାଲିଲେ ହୋ
ନିଶ୍ଚେ ପାଇବ ସମ୍ମାନ
ସୁନ୍ଦର ପୃଥିବୀ ସୁନାର ଭାରତ
ଏ ସପନ ହେବ ସତ
ହୋଇବଟି ସ୍ଵଚ୍ଛ ଆମରି ଭାରତ
ହାତେ ମିଶାଇଲେ ହାତ