ସବୁଠୁ ସୁନ୍ଦର ସ୍ୱଚ୍ଛ ମୋ ଭାରତ
ସବୁଠୁ ସୁନ୍ଦର ସ୍ୱଚ୍ଛ ମୋ ଭାରତ
ଶତ ପ୍ରଣିପାତ ଚିର ସ୍ମରଣୀୟ
ପୂଜ୍ୟ ଭାରତ ସନ୍ତାନ ,
ଗାନ୍ଧିଜୀ, ଶାସ୍ତ୍ରୀଜୀ ଶକ୍ତିର ପ୍ରତୀକ
ଭାରତ ପାଇଁ ମହାନ ।
ତାଙ୍କ ଆଦର୍ଶରେ ମୋ ଦେଶ ଭାରତ
ସାରା ବିଶ୍ବରେ ବିଦିତ ,
ତାଙ୍କ ପାଇଁ ଆଜି ସମଗ୍ର ବିଶ୍ଵରେ
ଭାରତ ଆଜି ଗର୍ବିତ ।
ଅତୀତ ଗୌରବ ଧରି ହୃଦପଟେ
ମନେ ଭରି ଦେଶ ପ୍ରୀତି ,
ସ୍ୱଚ୍ଛ ଭାରତର ଉନ୍ନତି ଚିନ୍ତନେ
ଆଣିବା ଦେଶ ପ୍ରଗତି ।
ନିର୍ଭୟର ସୁରେ କରିବା ଶପଥ
ଅଟଳ ସଂକଳ୍ପ ନେଇ ,
ଭାରତ ମାତର ସେବା କାର୍ଯ୍ୟେ ଆମେ
ଦେବାରେ ମନ ଲଗେଇ ।
ଅନେକ ସମସ୍ୟା ସାଜିବ ବାଧକ
ବେଳୁ ହେବା ସାବଧାନ ,
ହିଂସା, ଦ୍ଵେଶ ଭୁଲି କରିଯିବା କର୍ମ
ତେଜି ଗର୍ବ, ଅଭିମାନ ।
ପୂଜ୍ୟସ୍ପଦ ମୋର କବି ଓ ଲେଖକ
ଲେଖ ଲିଖିତ ଆହ୍ବାନ ,
ବାକ୍ୟ ବୀର ନୁହେଁ କର୍ମ ବୀର ହୋଇ
ବଢ଼ାଇବା ଦେଶ ମାନ ।
ଦେଶ ପ୍ରଗତିରେ କଳଙ୍କ କାଳିମା
ନିଶ୍ଚେ ହେବ ଦୂରୀଭୂତ ,
ସବୁଠୁଁ ସୁନ୍ଦର ସଙ୍କଳ୍ପର ସାଥେ
ଗଢ଼ିବା ସ୍ୱଚ୍ଛ ଭାରତ ।