ସବୁତ ତମ ପାଇଁ

   ତମେ ଅଛ ବୋଲି

   କବିତା ଲେଖେ ମୁଁ

  ମନେ ଭାରି ସରାଗରେ-

ତମ ପାଇଁ ଖୋଜେ ଫୁଲ ଫଗୁଣଟେ ।

ନିସ୍ବ ଏଇ ହୃଦୟରେ ॥୦॥

ତମେ ନ ଥିଲେକି ଚାନ୍ଦର ଜୋଛନା

  ଦେଇ ଥାନ୍ତା ଶୀତଳତା ।

ତମ ବିନା ତାରା ଫୁଲ ଓଠ ହସ

  ମାପୁଥାନ୍ତା ନିରବତା ।।

ଦ୍ବିତୀୟା ଜହ୍ନର ହସ ମୁଁ ଦେଖୁଛି

   ଲାଜମିଶା ଓଠ ଧାରେ ।।୧।।

ଆଖିରେ ତମର ସ୍ବପ୍ନର କଜଳ

  କବରୀରେ ଫୁଲ ବାସ ।

ଚିବୁକର କଳାଜାଈ କହିଦିଏ

   ସୁନ୍ଦରରେ କେତେ ଦିଶ ।

ଦ୍ବି'ଗୁଣ ବଢାଏ ତମମୁହଁ ଶୋଭା

  ଅଙ୍ଗଭଙ୍ଗୀ ଶୁଷମାରେ ।।୨।।

ତମକୁ ନେଇ କବିତାରେ ଲେଖେ

  ରଂଗ ଭରା ସ୍ବପ୍ନ ରାତି ।

ଭରଶା କରିଛି ଆର ଜନମକୁ

   ମିଳିବ ତମରି ସାଥି ।

କମନୀୟ ରୂପ ନିରେଖି ଲେଖନ୍ତି

 କାଟି ରାତି ଉଜାଗରେ ।।୩॥