ପାରିବ କି

ଅବରୋଧ କରି ପାରିବ କି ଲାଭା ଉଦ୍ଗିରଣ

ଅଟକାଇ ପାରିବ କି ସାଗରର ଅସୁମାରି ତରଙ୍ଗ

ଧିମେଇ ପାରିବ କି ସମୟର ଗତି

ଯଦି ନା ମୋର କାହିଁକି ପଥରୋଧ କରୁଛ

ପ୍ରସ୍ପୁଟିତ ହେବାକୁ ଦେଉନା ମୋ ପ୍ରେମ କୁସୁମ କୁ ।

ଅଟକାଇ ପାରିବ କି ମଣିଷର ହୃଦୟ ସ୍ପନ୍ଦନ

ବଦଳାଇ ପାରିବ କି ନିଉଟନ ଙ୍କ ଗତି ର ନିୟମ

ଉର୍ଧଗାମୀ କରି ପାରିବ କି ନଦୀର ଗତିପଥ

ପରିବର୍ତ୍ତନ କରି ପାରିବ କି ଇନ୍ଦ୍ରଧନୁର ରଙ୍ଗ

ଯଦି ନାକାହିଁକି ଅବରୋଧ କରୁଛ ମୋ ହୃଦୟ ଦ୍ୱାର

ପରିପ୍ରକାଶ ହେବାକୁ ଦେଉନା ମୋ ମନର ଭାବନା ।

ଦେଖାଇ ପାରିବ କି ଅମାବାସ୍ୟା ରେ ଜହ୍ନ

ରୋକି ପାରିବ କି ଫାଇଲିନ, ସୁନାମୀ କି ଭୂକମ୍ପ

ମିଛ କୁହାଇ ପାରିବ କି ଦର୍ପଣ କୁ

ଯଦି ନା ମତେ କାହିଁକି ମନା କରୁଛ

ମୁ ତ ସତ କହିବାକୁ ଚାହୁଁଛି

ମୋ ଶାଶ୍ୱତ ପ୍ରେମର ପରିପ୍ରକାଶ କରିବାକୁ ଚାହୁଁଛି ।