ସବୁଜ ବଳୟ ବିନା

କଣ୍ଡୁରୀ ଚରଣ ରାଉତ

*********************

ସଭ୍ୟ ସମାଜର ପ୍ରଥମ ଶିକାର

ହୋଇଛି ଘଞ୍ଚ ଜଙ୍ଗଲ

ବିବର୍ଣ୍ଣ ପାଣ୍ଡୁର ଦିଶୁଅଛି ଧରା

ମିଳୁନାହିଁ ଫଳଫୁଲ ।

ପାଦପସମୂହ ବକଳ ବିହୀନ

ଖଣ୍ଡିଆ ଖାବରା ହୋଇ

ପରାସ୍ତ ସୈନିକ ପରି ଶୋଇଛନ୍ତି

କଦାକାର ତନୁ ନେଇ ।

ମଣିଷସମାଜ ବୃକ୍ଷଲତା ପାଇଁ

ସାଜିଛି ଦାନବ ଆଜି

ସୌଜନ୍ୟରୁ ତା'ର ନିଘଞ୍ଚ ଜଙ୍ଗଲ

ସତ୍ତା ଯାଇଅଛି ହଜି ।

ବନିଅା ମରୁଡି ଝଡଝଞ୍ଜା ଦେଖି

ମଣିଷ ହତ ଚକିତ

ସବୁଜ ବଳୟ ବିନା କେ କରିବ

ବିପର୍ଯ୍ଯୟ ପ୍ରତିହତ ।

ନ ହେଲେ ବରଷା ଉଡିଯିବ ହଂସା

ପ୍ରାଣୀଜଗତର ଭାଇ

ନିଜେ ବଞ୍ଚିବାକୁ ଗଛଟେ ଲଗାଇ

ବଞ୍ଚାଇ ରଖିବା ମହୀ ।

***

ଶିକ୍ଷକ,ସତ୍ୟବାଦୀ ହାଇସ୍କୁଲ୍,

ଧଣ୍ଡାମାଳ,ଦେଓଗାଁ,ବଲାଙ୍ଗିର

ମୋ.୯୯୩୭୯୮୨୮୪୬