ଲାଇବ୍ରେରୀ
ପ୍ରୋଫାଇଲ୍
ସ୍ବପ୍ନ
ସ୍ବପ୍ନ
କିଏ ବା ଦେଖିନି
ସବୁ ମଣିଷ ଦେଖିଛି
କେତେ କେତେ ସ୍ବପ୍ନ
କେବେ ଚେଇଁ ଶୋଇଥାଇ
କେବେ ନିଘୋଡ଼ ନିଦରେ
କେବେ ବିନା ନିଦରେ
ଅନେଇ ଅନେଇ
ଭାବନା ରାଇଜରେ |
ସ୍ବପ୍ନ କେବେ ଦେଖେ
ନିଝୁମ ରାତିରେ
ଅମା ଅନ୍ଧକାର
ଅମାବାସ୍ୟା ରାତିରେ
କେବେ ମିଞ୍ଜି ମିଞ୍ଜି
ଲଣ୍ଠନ ଆଲୁଅରେ
କେବେ ପୁଣି
ପୂର୍ଣମୀ ଜହ୍ନ ଆଲୁଅରେ |
ସ୍ବପ୍ନ କେବେ
ମଣିଷକୁ ଲାଗେ ଭଲ
ହୋଇଥିଲେ ସ୍ୱପ୍ନରେ
ରାଜ କୁମାର ଅବା
ପ୍ରିୟାର ପ୍ରେମିକା
ମତୁଆଲା ଘୋଡା ସମ
ଉନ୍ମାଦନା ଭରା
ରାଜ କୁମାର |
ସ୍ବପ୍ନ କେବେ
କରିଦିଏ ଦେବଦାସ
ପୁଣି କେବେ
ଦେଖାଏ ରାଜ ଉଆସ
କେବେ କରେ ଉଦାସ
କାହା ର ବଢିଛି ଦୁଃଖ |
କେବେ ସ୍ବପ୍ନ
ଭାଙ୍ଗିଦିଏ ନିଜ ବାଲିଘର
କରିଦିଏ ନିସ୍ଵ
ପୁଣି ଉଡାଏ ଆକାଶେ କେବେ
ହୋଇ ଦେବ ଦୂତ
କାରଣ ନା ତାର ସ୍ବପ୍ନ |
ସ୍ବପ୍ନ ଦେଖନ୍ତି ଅନେକ
ଅନାୟାସେ ପାଇବାକୁ
ରାଜାର ସୁଖ
ମନ୍ତ୍ରୀର ପଦ
ସେନାପତି ର ଓଜ
ଛଡାଇ ନେବାକୁ
ଅନ୍ୟର କାହାର
ପଦ ଓ ସମ୍ପଦ |
ଅନେକ ଦେଖନ୍ତି ସ୍ବପ୍ନ
ଛଡାଇ ନେବାକୁ
କାହାର ସୁଖ ସମ୍ପଦ
ଅବା କାହା ପ୍ରେମ
କାହା ଜୀବନର ସୁଖ |
ଏ ସବୁ ଦିବା ସ୍ବପ୍ନ
ଦିନେ ହେବ ଭଙ୍ଗୁର
ସ୍ବପ୍ନ ସଦା ଦେଖ
କରିବାକୁ କାହା ଉପକାର
ଦେବାକୁ ସୁଖ ସମ୍ପଦ
ଅସୁବିଧାରେ ଥିବା
ମଣିଷ କି ପଶୁ ପକ୍ଷୀର |
କାୟ ମନ ବାକ୍ୟରେ
ଦେଖିଲେ ସ୍ବପ୍ନ
ଜିଣିବାକୁ ଅନ୍ୟର ହୃଦୟ
ଦେବାକୁ ସ୍ନେହ ପ୍ରେମ
ଅସହାୟ ର ସାହାଯ୍ୟ
ନିଘୋଡ଼ ନିଦରେ ହେଲେ
ଦେଖୁଥିବା ସ୍ବପ୍ନ
ଦିଏ ରାଜାର ସୁଖ
କରେ ମନକୁ ସମୃଦ୍ଧ |
କର ଭଲ ହୁଅ ଭଲ
କର ଜ୍ଞାନ ଆହରଣ
ନିଶ୍ଚୟ ଦିଶିବ ସ୍ବପ୍ନ
ଅନ୍ୟର ହୃଦୟ ଜିତିବାର
କଲେ ପୂଜା ଉପବାସ
ପଢିଲେ ପୋଥି ପୁରାଣ
ନିଦ୍ରା ଗଲେ ଦିଶେ
ମନ୍ଦିର ପୂଜା ସ୍ଥଳ ଅବା
ହେଳେ ମିଳିବେ ଭଗବାନ |
ହେ ମଣିଷ ସମାଜ
ଦୁନିଆର ଶ୍ରେଷ୍ଠ ଯିବ
କାହାକୁ ନ କରି ହୀନ
ସ୍ବପ୍ନ ଦେଖ
କରିବାକୁ ଏମିତି କାମ
ଅନ୍ୟର ହୃଦୟେ
ତୁମ ପ୍ରତି ନ ଥିବ ସଂଶୟ
ତୁମେ ସଭିଙ୍କ ହୃଦୟେ
ହେବ ରାଜ ପୁତ୍ର |
