ସ୍ବପ୍ନ ମୋର

ସ୍ବପ୍ନ ମୋର ଖୋଜେ

   ଖୋଲା ଆକାଶ,

ଉଡିବାକୁ ଇଚ୍ଛା ମନେ

    ଭରି ବିଶ୍ବାସ ।

ସଫଳତାର ଆକାଶରେ

   ଉଡିବାକୁ ଚାହେଁ,

ସ୍ବପ୍ନ ମୋ ଜୀବନର ଲକ୍ଷ୍ୟ

  ମନ ର ଭ୍ରମ ନୁହେଁ ।

ଆଖିରେ ଆଖିଏ ସ୍ବପ୍ନ ଭରି

  ଜୀବନ ନୌକରେ ଅଛି ମୁଁ ବସି,

କାତ ରୂପୀ ବିଶ୍ବାସକୁ କରି ଦୃଢ

  ନୌକା ମୋ ଯାଉଛି ଭାସି ।

ଇଚ୍ଛା ଶକ୍ତି ଥିଲେ

   ସମୟ ବି ଯାଏ ହାରି,

ଅଧ୍ୟବସାୟ ବଳରେ

  ଅସମ୍ଭବ ଶବ୍ଦ ବି ଯାଏ ଡରି ।

କଠିନ ପରିଶ୍ରମ କରି

   ହେବି ମୁଁ ସଫଳ,

ଶ୍ରେଷ୍ଠ ମଣିଷରେ ହେବି ଦିନେ ଗଣା

  ନୁହେଁ ମୁଁ ଦୁର୍ବଳ ।

ଛୁଁଇବାକୁ ସଫଳତାର ସିଡି

  ଆସେ ବହୁ ପ୍ରତିବନ୍ଧକ,

ଧର୍ଯ୍ୟ ର ସହ ବଢ଼ିବି ଆଗକୁ

  ଦୂର କରି ମନୁ ଭୟ ।

ସ୍ବପ୍ନ ମୋର ହେବ ଦିନେ ସତ

   ବିଶ୍ବାସ ମୋ ଯିବ ଜିତି,

କଠୋର ସାଧନା ବଳରେ

  ଜୀବନୁ ଅନ୍ଧାର ହୋଇବ କ୍ଷିତି ।