ଲାଇବ୍ରେରୀ
ପ୍ରୋଫାଇଲ୍
ସ୍ବପ୍ନ କାକଳି
ସ୍ବପ୍ନ କାକଳି
1 min
232
ମୋ ହୃଦ ଦୀପରେ ଢାଳି ଦିଅ ବାରେ
ତୁମରି ପ୍ରୀତିର ଘୃତ
ଜଳୁଥିବି ନିତି ତୁମ ପାଇଁ ସାଥୀ
ଭାବେ ଭାବ ଛନ୍ଦାୟିତ !!
ତୁମ ଆଲିଙ୍ଗନେ ଝରୁଥିବ ମନେ
କସ୍ତୁରୀ କସ୍ତୁରୀ ବାସ
ନିଦ ହଜିଯିବ ରାତି ପାହୁଥିବ
ଅନୁଭବି ତୁମ ସ୍ପର୍ଶ !!
ମଧୁ ଯାମିନୀର ବେଦସ୍ତୋତ୍ର ସମ
ପବିତ୍ରତା ମନେ ଭରି
ଓଜସ୍ବୀ ତୁମର ଶବ୍ଦ ତାଳେ ତାଳେ
ସ୍ମୃତି ଉତ୍ସ ଯାଏ ପୁରି !!
ଅର୍ହତ ପ୍ରହର ପ୍ରସ୍ଫୁଟିତ ମନେ
କସ୍ତୁରୀର ମଧୁ ବାସ
ଅନ୍ତାକ୍ଷରେ ଥିବା ସ୍ବପ୍ନର କାକଳୀ
କରେ କାହିଁ ଉପହାସ !!
