🌹ବିରହିଣୀ ରାଧା 🌹

ଚିର ରଙ୍ଗାୟିତ  ହୃଦୟେ ପ୍ଳାବିତ

     ପ୍ରିୟଙ୍କର ପ୍ରେମ ସୁଧା

ଜୀବନ ଯାତ୍ରାରେ  ଲୋଡୁଥିବି ସଦା

    ସାଜି ବିରହିଣୀ ରାଧା

ଦୀପ୍ତିମନ୍ତ ଆଭା   କରଇ ପ୍ରଗଳ୍ଭା 

    ପ୍ରାରବ୍ଧରେ ନାମାଙ୍କିତ

ଅସାଧାରଣ ସେ   ପ୍ରୀତି ପ୍ରତିରୂପ 

    ଅଙ୍ଗେ ଅଙ୍ଗେ ଅଳଙ୍କୃତ

ମନ ଗହନରେ   ସାଇତି ରଖିଛି 

    ଅଭୁଲା ଆମରି ସ୍ମୃତି 

ଅଛ ସିନା ଦୂରେ ହେଲେ ଏ ମନରେ

     ରହିଛି ରହିବ ପ୍ରୀତି

ଛାଇ ଭଳି ସଦା  ଅଛ ତୁମେ ପାଶେ

    ବଞ୍ଚିଛି ତୁମରି ପାଇଁ 

କେବେ ନିରୋଳାରେ କେବେ ସପନରେ

    ତୁମ ମୁଖ ଦିଶୁଥାଇ

ମୋ ଓଠର ହସ  ତୁମ ପାଇଁ ଝରେ 

   ଲୋତକ ବି କରେ ମାନ

ଅବୁଝା ପ୍ରେମିକ  ତୁମ ପ୍ରୀତି ବାକ୍ୟ

   ଭାଙ୍ଗେ ମୋର ଅଭିମାନ