ସ୍ବପ୍ନ ବିଭୋର ରାତି

ଏବେବି ମୋ ସ୍ବପ୍ନରେ ଆସେ‌ ସେ ଛପି ଛପି

     ମୋତେ ସ୍ବପ୍ନ ବିଭୋର କରି ଦେବା ପାଇଁ

ସ୍ମୃତି ସବୁ ଛଳ ଛଳ ହୁଏ ମନ ମଧ୍ୟରେ

         ତା' କଥା ଝୁରି ମୁଁ ରାତି ଦିଏ ପାହି,

ମୋତେ ଜହ୍ନ ରାତି ଭାରି ଭଲ ଲାଗେ

       ଛଟପଟ ଆକାଶର କୋଳାହଳ ସଙ୍ଗେ

ଅଳ୍ପ ଅଳ୍ପ ମେଘର ଦୀର୍ଘ ନିଶ୍ଵାସ ରେ

          ମୃଦୁ ମଳୟ ର କାଉଁରୀ ସ୍ପର୍ଶରେ ,

ସେ ବି ସେଇ ଜ୍ୟୋତ୍ସ୍ନା ରାତିର ଅତିଥି

   ତା ଆଖିରେ ମୋ ସ୍ବପ୍ନସବୁ ଅଧାଗଢ଼ା ଯେମିତି

ରାତିର ସେ ରୂପ ଆଗରୁ ମୁଁ ଦେଖିନଥିଲି

 ତାକୁ ଚିହ୍ନିବା ଆଗରୁ କେଜାଣି ଜିଇଁଥିଲି କେମିତି,

ହଁ ହୋଇପାରେ ଭିନ୍ନ ଏକ ଖିଆଲି ଦୁନିଆରେ

  ଯେଉଁଠି ମତୁଆଲା ହେଉଥିଲା ରାତି ଧିରେ ଧିରେ

ସ୍ବପ୍ନ ବିଭୋର କରି ଦେବାକୁ ସାରା ଦୁନିଆ କୁ

    ପର୍ଦ୍ଦା ନ ପଡିବି ଯାଏ ଭାବନାର ରଙ୍ଗ ମଞ୍ଚରେ ।