ଲାଇବ୍ରେରୀ
ପ୍ରୋଫାଇଲ୍
ମୋ ପ୍ରିୟା ପାଇଁ ମୁଁ ଖୁସି
ମୋ ପ୍ରିୟା ପାଇଁ ମୁଁ ଖୁସି
1 min
132
ପାଖରେ ଶୋଇ କାନରେ କହି ଗେହ୍ଲା କରୁଥାଏ ଯିଏ
ଯୌବନେ ମନ ଦିଆ ନିଆ
ପ୍ରୌଢରେ ପ୍ରଣୟୀ ପ୍ରିୟା
ବୃଦ୍ଧ କାଳେ ତା ବିନା ଭରସା ଆଉ ହେବ ବା କିଏ !
ସମ୍ପର୍କ ପତି ପତ୍ନୀର ମିଛରେ ହେଉ ଅବା ସତରେ
ସକାଳେ ଯଶୋଦା ମାଆ
ସଞ୍ଜରେ ଅଳସୀ ପ୍ରିୟା
ବୁଝିପାରେ ସ୍ୱାମୀ ଅନ୍ତର ଦୁଃଖେ ହେଉ ଅବା ସୁଖେ !!
ସାତ କଳଶ ବସାଇ ଆଠ ଦୀପ ଜଳେଇ ଆସିଛି ଯିଏ
ବାଣ୍ଟିବାକୁ ସ୍ନେହ ମମତା
ରଚିବାକୁ ସଂସାର ପ୍ରଥା
ଦୁହିତା ଦୁଇ କୂଳକୁ ହିତା ଭୁଲିଯିବ ଅବା କେମିତି ସିଏ !!!
ଏହି ଜନମର ପତ୍ନୀ ସିନା ସିଏ ସାତ ଜନ୍ମର ସାଥିଟିଏ
ମସିଣା ଉପରେ ଜାୟା
ମଶାଣି ପଛରେ ଛାୟା
ସାତଫେରି ନେଇ ପତ୍ନୀ ସାଜିଛି ସ୍ୱାମୀ ହିତେ ମୃତ୍ୟୁଯାଏ !!!!
