ମୋ ପ୍ରେମିକ
ମୋ ପ୍ରେମିକ
ମୋ ପ୍ରେମିକ, ଭାରି ଦୁଷ୍ଟ ଟିଏ,
କଥା ରେ ତାର ଭାରି ଦୁଷ୍ଟାମୀ ।
କିନ୍ତୁ ଭାରି ଭଲ ମନ ଟିଏ ,
ପ୍ରତି କଥା ର ଉତ୍ତର ରେ ଥାଏ ଖାଲି ' ହୁଁ '
କଥା ଆରମ୍ଭ ରେ ବି ' ହୁଁ '
ଆଉ ଶେଷ ରେ ବି ' ହୁଁ '
ମନେ ହୁଏ ଯେମିତି
ସେ ' ହୁଁ ' ଶବ୍ଦ ର ଜନକ ।
କେବେ ଯଦି କିଛି ସେ ଭୁଲ କରେ ,
ଏକ ଦମ୍ ଚୁପ୍ ରହି ଯାଏ ,
ସୁନା ପିଲା ଟେ ପରି
ପାଟି ରୁ ତାର ବାହାରେନି ଗୋଟିଏ କି ଶବ୍ଦ ,
ଖାଲି ମୁଣ୍ଡକୁ ନୁଏଇଁ ସବୁ କଥା
ଶୁଣିଯାଏ ।
ହେଲେ ସେ ଭାରି ଦୁଷ୍ଟ ଟିଏ ,
କଥା ରେ କଥା ରେ ଅନେକ ସ୍ବପ୍ନ ଦେଖାଏ,
ସ୍ବପ୍ନ ରାଇଜ ରେ ବୁଲେଇ ଆଣେ,
ଆଖିରେ କେବେ ଲୁହ ଦେଖି ପାରେନି ,
ଯେମିତି ବି ହେଉ ହସେଇ ଦିଏ ,
ରାଗି ଥିଲେ ବି
ଚୁଟ କିନା ମନେଇ ଦିଏ ।
କେବେ କହେ ତା ମନ ର ଇଚ୍ଛା
ଆଉ ମୁଁ ବି ଶୁଣେ ସବୁ ତା ଇଚ୍ଛା କୁ ଭାରି ଇଚ୍ଛା ର ସହ ।
ସେ କହି ଉଠେ
ଭାରି ଇଚ୍ଛା ମୋର
ସନ୍ଧ୍ୟା ପରେ ସମୁଦ୍ର କୋଳ ରେ ତୋ ହାତ ଉପରେ ହାତ ଥାପି ବସିବାକୁ ,
ସେଇ ଥଣ୍ଡା ପବନ ,
ନିରୋଳା ଜାଗା ,
ସମୁଦ୍ର ର ଢେଉ ,
ଉପରେ ତାରା ଆଉ ଜନ୍ହ ,
ଆଉ ତଳେ
ମୁଁ ତୋ ସହ , ଆଉ ତୁ ମୋ ସହ
କେବେ ବହୁତ୍ ଗପୁଥିବା,
କେବେ ଚୁପଚାପ୍ କାନ୍ଧ ଉପରେ ମୁଣ୍ଡ ଥାପି ବସିଥିବି ,
କେବେ ତୁ କହୁଥିବୁ ,
ଆଉ କେବେ ମୁଁ ।
ଭାରି ଇଚ୍ଛା ମୋର ସେ ନିରୋଳା ଜାଗାରେ ,
ତୋ କୋଳ ରେ ମୁଣ୍ଡ ଥାପି ଶୋଇବାକୁ ,
ମୁଁ ଶୋଇ ଥିବି ,
ଆଉ ତୁ ତୋର କୋମଳ ହାତ ଟିକୁ
ଥାପି ଥିବୁ ମୋ ମୁଣ୍ଡରେ ,
ହାଲ୍କା ହାଲ୍କା ଆଉଁଶୁ ଆଉଁଶୁ
କେବେ ମୁଁ ତୋ ପ୍ରଶ୍ନ ର ଉତ୍ତର
' ହୁଁ ' ରେ ଦେଉଥିବି,
ଆଉ ତୁ ପୁଣି ରାଗି ଯାଇ ,
ଅଭିମାନ କରୁଥିବୁ ।
ତୋତେ ମନେଇବାକୁ ମୁଁ ପୁଣି ଚେଷ୍ଟା କରୁଥିବି ।
ମୋର ଇଚ୍ଛା ସେ ବାଲୁକା ରାଶି ରେ ତୋ ହାତ ଧରି ଚାଲିବାକୁ ,
ତୋ ପାଦ ସହ ମୋ ପଦ ମିଶେଇ
ଆଗକୁ ବଢ଼ିବାକୁ ।
ପୁଣି କେବେ ତା ଇଚ୍ଛା ବଦଳି ଯାଏ ,
କହି ଉଠେ
ମୋର ଇଚ୍ଛା
ତୁ ମୋ ବାଟ ଚାହିଁଥିବୁ ,
ଖାଇବା ଟେବୁଲ ପାଖରେ ,
ମୋ ପାଇଁ ତୁ ନ ଖାଇ ବସିଥିବୁ,
ତୋର ଏ ସ୍ନେହ ଦେଖି
ମୋ ମନ ଆବେଗ ରେ ଭରିଯିବ,
ତୋ ହାତରେ ତୁ ମୋତେ ଖୁଏଇ ଦେବୁ, ଆଉ ମୁଁ ବି ତୋତେ ।
ମୋର ଇଚ୍ଛା ତୋ ସହ
ବାଲକନି ରେ ବସି ଗପିବାକୁ ,
କେତେବେଳେ ରାତି ପାହିଯିବ ,
ଜଣା ବି ନଥିବ.।
ମୋର ଇଚ୍ଛା ତୋତେ ସେ ରୋଷେଇ ଘରେ
ଭାରି ହଇରାଣ କରିବାକୁ,
ହଁ କେବେ ମୁ ବି ରାନ୍ଧିଦେବି
ତୋ ପାଇଁ ,
କିନ୍ତୁ ତୋ ପଛରେ ବୁଲୁଥିବି,
କୁନି ପିଲା ଟେ ପରି ।
ସେଇ ଲାଗି ତ
କହୁଛି
ମୋ ପ୍ରେମିକ
ଭାରି ଦୁଷ୍ଟ ଟିଏ ।
ସବୁ କହି ସାରି
ପୁଣି ରହି ଯାଏ ' ହୁଁ ' କହି ,
ଯାହା ସବୁ କହିଲି ସେ ସବୁ ଆର ଜନ୍ମ ପାଇଁ ,
ଆର ଜନ୍ମ କୁ
ମୁଁ ଜନ୍ମ ନେବି ଖାଲି ତୋରି ପାଇଁ ,
ସବୁ ସ୍ବପ୍ନ ସତ କରିବି ଆର ଜନ୍ମ ରେ ,
ଏ ଜନ୍ମ ରେ ଖାଲି ଏଇ ଭାବନା ରେ
ଟିକିଏ ବଞ୍ଚିବାକୁ ତ ଦେ ।
କିନ୍ତୁ ସେ ଜାଣି ପାରେନା ,
ଆର ଜନ୍ମ କିଏ ବା ଦେଖିଛି,
ସେଇ ଲାଗି ତ
ମୋ ପ୍ରେମିକ
ଭାରି ଦୁଷ୍ଟ ଟିଏ ,
ଦୁଷ୍ଟାମୀ କରେ କଥାରେ ,
ସ୍ବପ୍ନ ଦେଖାଏ ଖାଲି ଆଖିରେ ,
ତଥାପି ସେ ଭାରି ଭଲ ଟିଏ ।