ସ୍ବଚ୍ଛ
ସ୍ବଚ୍ଛ
ସ୍ବଚ୍ଛ ସ୍ବଚ୍ଛ ସ୍ବଚ୍ଛ ସବୁ ଅଟେ ତୁଚ୍ଛ
ସ୍ବଚ୍ଛ ନୁହେଁ ଆମ ମନ
ସ୍ବଚ୍ଛ ହେବ ଦେଶ ଦେଖିବ ଏ ବିଶ୍ବ
ଆସିବ କେବେ ସୁଦିନ !
ଜାତୀୟ ଚରିତ୍ର ଅଟେ କି ବିଚିତ୍ର
ସଭିଙ୍କର ସ୍ବାର୍ଥ ଚିନ୍ତା
ଧନ ସୁଖ ପାଇଁ ପଛ ଘୁଞ୍ଚା ନାହିଁ
ପାଲଟନ୍ତି ନରହନ୍ତା ।
ଗୁପତ ଦଲିଲ କିଏ କରେ ମୂଲ
ବିଦେଶୀ ଅଇରୀ ସଙ୍ଗେ
ଦେଶ ମାତୃକାର ସୁରକ୍ଷା ବିପନ୍ନ
ଖେଳୁ ଏଠି ନାନାରଙ୍ଗେ ।
ରାଜଗାଦି ପାଇଁ ମିଠା କଥା କହି
ଝଗଡା ଭିଆଣ ନିତି
ଦଙ୍ଗା ସଂରକ୍ଷଣ ରାଜନୀତି ବାଣ
ଏହା କେଉଁ ଦେଶ ପ୍ରୀତି ?
ସ୍ବଚ୍ଛ କର ମନ ଜାହ୍ନବୀ ସମାନ
ହୋଇବ କଲ୍ଯାଣକାରୀ
ଦେଶ ମାତୃକାର କର ଉପକାର
ସ୍ବାର୍ଥ ଚିନ୍ତା ପରିହରି ।