ସ୍ବାଧୀନତା

ସ୍ବାଧୀନତା ଅଟେ ସର୍ବୋତ୍ତମ ଭାବ

ପ୍ରକାଶଇ ଯାହା ନୀତି ଓ ସଦ୍ଭାବ ।

ସ୍ବାଧୀନ ଜୀବନ ଅତିବାହିତ ରେ

ମିଳେ, ସୁଖ, ଶାନ୍ତି ସନ୍ତୋଷ ପ୍ରାଣ ରେ ।

ସ୍ନେହ, ପ୍ରେମ, ଶ୍ରଦ୍ଧା, ଆଦର ବାତ୍ସଲ୍ୟ

ଝାରାଏ ଯେ ସ୍ୱାଦୁ ମମତା - ଅମୀୟ  ।

ଭୟ, ଭ୍ରାନ୍ତି, ଭ୍ରମ, ଈର୍ଷା, ମୋହ ଦୂର

ଉନ୍ନତି ଦିଗରେ କରେ ଅଗ୍ରସର । 

କରି ନିତି ନିତି ଅଭିନବ ପନ୍ଥା

ଆନନ୍ଦ, ଉଦ୍ୟମ ଦିଏ ସ୍ବାଧୀନତା ।

ମୁକ୍ତ ଓ ସ୍ଵତନ୍ତ୍ର କରାଇ ପ୍ରାଣୀ କୁ

ନବ ନବ ଆଶା, କୌଶଳ, ଭାବ କୁ ।

ପ୍ରଦର୍ଶିତ କରି ପ୍ରାଣୀ ଚେତନା କୁ

ସ୍ଵତନ୍ତ୍ର ବିଚାର ଚିନ୍ତା ପ୍ରକାଶ କୁ ।

ଉତ୍ତରୋତ୍ତର ଯେ ବିକାଶ ସାଧିତ

କରାଇ ସତତ ସାଧି ଥାଏ ହିତ ।

ସମାଜ କଲ୍ୟାଣ କରି ପରବର୍ତ୍ତୀ

ସମୟକୁ କରେ ସହାୟତା  ନିତି ।

ସର୍ବଦା ସୁବିଧା ପ୍ରଦାନ କାରୀ ଯେ

କୌଣସି ପ୍ରକାର କାର୍ଯ୍ୟ ରେ ସହଜେ । 

ଲିପ୍ତ  ହୋଇ ଉଠେ ଆହା କି ଆଗ୍ରହ

ସ୍ବାଧୀନତା ଦିଏ ଜୀବନେ ଆମୋଦ ।

ପବିତ୍ର ପ୍ରେରଣା ପ୍ରଦାନ କରଇ

ସୁମହତ କାର୍ଯ୍ୟେ ମନ ନିବେଶାଇ ।

ହୁଏ ବହୁ ବିଦ୍ଧ ଉନ୍ନତି ସହାୟ 

ସ୍ବାଧୀନତା ବିନା ବ୍ୟକ୍ତି ଅସହାୟ ।