ସ୍ବାଧୀନତା ଅମୂଲ୍ୟ ସମ୍ପଦ

ଦେଶ ଜାତିର ଗର୍ବ ଗୌରବର ପ୍ରତୀକ

ଆମ ଏଇ ସ୍ୱାଧୀନତା ଦିବସ ।

ପ୍ରଧାନ ଜାତୀୟ ଉତ୍ସବ ଭାରତବର୍ଷର 

ଖୁସିରେ ସର୍ବେ ପାଳିବା ଆସ ।।

ନିଜ ନିଜ ମଧ୍ୟେ ସାମାଜିକ ଦୂରତା ରଖି 

କରିବା ପତାକା ଉତ୍ତୋଳନ ।

ସରକାରଙ୍କ କରୋନା ନିୟମ ମନେରଖି

ଗାଇବା ଜନଗଣ ମନ………...

ମନେ ପକାଇବା ସେହି ସମସ୍ତ ବୀର 

ସ୍ୱାଧୀନତା ସଂଗ୍ରାମୀମାନଙ୍କୁ ।

ନେତାଜୀଙ୍କର ଆଜାଦ ହିନ୍ଦ ଫୌଜ

ଗାନ୍ଧିଜୀଙ୍କ ଅହିଂସା ନୀତିକୁ ।।

ନେତାଜୀଙ୍କ ଚରମପନ୍ଥୀ ହେଉ ଅବା 

ବାପୁଜୀଙ୍କ ଅହିଂସା ନୀତି ।

ସବୁ ସଂଗ୍ରାମୀଙ୍କ ମୂଳ ଲକ୍ଷ୍ୟ ଥିଲା 

ଦେଶର ସ୍ୱାଧୀନତା ପ୍ରାପ୍ତି ।।

ସ୍ୱାଧୀନତା ସଭିଙ୍କ ଜନ୍ମଗତ ଅଧିକାର 

ଏହାକୁ କେ କରିପାରିବେନି ଦୂର ।

ସ୍ୱାଧୀନତା ଅଟେ ଜାତିର ଅମୂଲ୍ୟ ସମ୍ପଦ 

ଉତ୍ସବ ପାଳି କରିବା ସୁରକ୍ଷା ତାର ।।

ଦେଶର ସ୍ୱାଧୀନତା ବଜାୟ ରଖିବା 

ଅଟଇ ସଭିଙ୍କ କର୍ତ୍ତବ୍ୟ ।

ଦେଶ ଅଖଣ୍ଡତା ବିଭିନ୍ନତା ମଧ୍ୟେ ଏକତା

ଏ ତ ଭାରତର ପରିଚୟ ।।