ସାତ ରଙ୍ଗେ ଆସେ ହୋଲି

ଭୂମର୍ତ୍ତ୍ୟ ମଣ୍ଡଳେ ଅତି କୌତୁହଳେ

ପାର୍ବଣ ମନାନ୍ତି ଜନେ

ସତେ ଦେବ ଭୂମି ପାଲଟେ ପୃଥିବୀ

ଦେବା ଦେବୀ ଦରଶନେ ।

ବିଭିନ୍ନ ରାଜ୍ୟରେ ବିବିଧ ନାମରେ

ହୋଲି ଆସେ ଖୁସି ନେଇ

ମୁଖ୍ୟ ଦେବ ରୂପେ ପୂଜିତ ହୁଅନ୍ତି

ନନ୍ଦ ନନ୍ଦନ କହ୍ନେଇ ।

ଅବିର ଖେଳରେ ମାତି ଯାନ୍ତି ସର୍ବେ

ସଙ୍ଗେ ଭିନ୍ନ ଭିନ୍ନ ରଙ୍ଗ

ଏକାଗ୍ରତା ଚିତ୍ତେ ନିୟୋଜିତ ହୋଇ

ଉଲ୍ଲାସେ ମାତିଲେ ସାଙ୍ଗ ।

ହରି ବୋଲ ତାଳେ ବିମାନ ଦୋଳରେ

ରାଧାକୃଷ୍ଣ ଝୁଲି ଝୁଲି

ମେଳି ବାନ୍ଧି ଯାନ୍ତି ଦୋଳ ଯାତରାକୁ

ଉଡ଼ାଇ ଦାଣ୍ଡର ଧୂଳି ।

ଆମ୍ଭେ ଯେ ଗର୍ବିତ ଭାରତୀୟ ବୋଲି

ଭାଇଚାରା ଏଠି ସିଦ୍ଧ

ଆମେ ଭୂଲିବାନି ଆମରି କର୍ତ୍ତବ୍ୟ

ମନେ ରଖି ଐକ୍ୟବଦ୍ଧ ।