ସାତ ରଙ୍ଗ ନେଇ ଆସୁଛି ହୋଲି
ସାତ ରଙ୍ଗ ନେଇ ଆସୁଛି ହୋଲି
ରଙ୍ଗ ପିଚକାରୀ ଧରି
ସାତ ରଙ୍ଗ ନେଇ ଆସୁଛି ହୋଲି
ଆସୁଛି ହୋଲି ଲୋ
ସଜ ହୁଅ ବେଗ କରି ।
ଆସିବ ଦୋଳବିମାନ
ବସିଥିବେ ରାଧା ରାଧାମୋହନ
ରାଧାମୋହନ ଲୋ
କରିବା ଆମେ ଦର୍ଶନ ।
ଆସ ଲୋ ବଉଳ ମିତ
ଆସ ଆସ ମୋର ସଇ ସଙ୍ଗାତ
ସଇ ସଙ୍ଗାତ ଲୋ
ଗାଇବା ହୋଲିର ଗୀତ ।
ଧରି ରଙ୍ଗ ପିଚକାରୀ
ଆନନ୍ଦ ମନରେ ଖେଳିବା ହୋଲି
ଖେଳିବା ହୋଲି ଲୋ
ମାରି ରଙ୍ଗ ପିଚକାରୀ ।
ପ୍ରାକୃତିକ ସାତ ରଙ୍ଗ
ଯୋଗାଡି ରଖିବା ଆସ ମୋ ସାଙ୍ଗ
ଆସ ମୋ ସାଙ୍ଗ ଲୋ
ଖେଳିବା ହୋଲିରେ ରଙ୍ଗ ।
ବରଷକେ ଥରେ ପରା
ଆସୁଛି ଏ ହୋଲି ବାଇ ନାଗରା
ବାଇ ନାଗରା ଲୋ
ଆସ ହୋଇ ଧରାପରା ।
ବସନ୍ତ ରାସ ଏ ହୋଲି
ଆସ ଆସ ସର୍ବେ ନକର ଡେରି
ନକର ଡେରି ଲୋ
ରଙ୍ଗର ପରବ ହୋଲି ।