ସାହାରା

ଚକ୍ଷୁହୀନ ଟିର ବାଡ଼ିଟି ସାହାରା 

ପଥ ପାଇଁ ସହାୟକ,

ଶିଶୁକୁ ସାହାରା ପିତା ମାତା ଦୁହେଁ 

ପାଳନ୍ତି ରଖିସେ ପାଖ l

ବୟସ୍କ ଲୋକଙ୍କ ସାହାରା ହୁଅନ୍ତି 

ନିଜର ସନ୍ତାନ ମାନେ,

ଜୀବନର ଶେଷ ସମୟରେ ତାଙ୍କ

ଆଶ୍ରା ଖୋଜୁଥାନ୍ତି ମନେ l

ଭାଇ ଆଉ ବନ୍ଧୁ ସାହାରା ହୁଅନ୍ତି 

ବିପଦରେ ଠିଆ ହୋଇ,

ଜିତିବା ପାଇଁକି ଭୋଟ ହୁଏ ସାହା

 ସରକାର ଗଢା ପାଇଁ l

ଖରା ବରଷାକୁ ସହାୟ ହୁଅଇ

ଛତା ଟିଏ ପାଖେ ଥିଲେ,

ବୃକ୍ଷଟି ସାହାରା ଜୀବଜଗତର

ଅମ୍ଳଜାନ ତାଠୁ ମିଳେ l

ଚାଷୀ କୁ ସାହାରା ପାଣିପାଗ ସିନା

ଚାଷ ଅନୁକୂଳ ପାଇଁ,

ଠିକ ସମୟରେବରଷା ନହେଲେ

ମରୁଡି ଜଗତେ ହୋଇ l

ଶୀତକୁ ସାହାରା ରେଜେଇ କମ୍ବଳ

ଗରିବ ପାଇଁକି ଧନ,

ପ୍ରୀତିକୁ ସାହାରା ସ୍ନେହ ବୋଳା ମନ 

ଅନ୍ଧାର ରାତିକୁ ଜହ୍ନ l

ସାହାରା ନଥିବା ଲୋକଟିର ଏକା

ସାହାରା ହିଁ ଭଗବାନ,

ତାଙ୍କୁ ଆଶ୍ରା କରି ନିଃସହାୟ ଲୋକ

କାଟଇ ତାର ଜୀବନ l

ରୋଗୀକୁ ସାହାରା ଡାକ୍ତର ଟି ସଦା

ଦ୍ଵିତୀୟ ଈଶ୍ୱର ହୋଇ 

ରୋଗ ଉପଶମ କରାଇଥାନ୍ତି

ଔଷଧ ଓ ସେବା ଦେଇ l

ଅସହାୟ ଙ୍କର ସାହାରା ହେବାକୁ

ମନୋବଳ ଦୃଢ଼ କର,.

ମାନବ ଙ୍କ ସେବା ମାଧବ ଙ୍କ ସେବା

ଏକଥା ମନରେ ସ୍ମର l

ଲତା କୁ ସାହାରା ରଞ୍ଜା ହୋଇଥାଏ

ଆଗକୁ ବଢିବା ପାଇଁ,

ସ୍ୱାମୀଟି ସାହାରା ଅଟଇ ନାରୀର

ସୁଖୀ ପରିବାର ସେଇ l

ଶେଷ ଜୀବନର ସାହାରା ଅଟନ୍ତି

ଏକା ପ୍ରଭୁ ନାମ ସାର,

ତାଙ୍କ ନାମ ଜପି ଏଇ ଭବ ସିନ୍ଧୁ 

ହୋଇଯିବା ଦିନେ ପାର ll