ସ୍ଵାଗତ ନୂଆ ବର୍ଷ

ତାରିଖ ଏକ ମାସ ବି ଏକ ବରଷ ଦୁଇ ଦୁଇ

ନୂଆ ବରଷ ଆଣ ହରଷ ସାରା ଜଗତ ପାଇଁ !

ଏକୋଇଶିରେ ସାରା ଜନତା ଭୋଗିଛି ବହୁ କଷ୍ଟ

ଶୀତ ଦିନରେ ବରଷା ହୋଇ ଫସଲ କଲା ନଷ୍ଟ !

ପାଞ୍ଚ ପାଞ୍ଚଟା ବାତ୍ୟା ଆସିକି ସଡ଼କ କଲା ନଈ

କରୋନା ରୋଗ ଘାଇଲା କଲା ନ ହେଲା ଆସିଯାଇ !

ବରଷ ସାରା ଇସ୍କୁଲ ଛୁଟି ପିଲାଙ୍କୁ ଯିବା ମନା

ମୋବାଇଲରେ ପାଠ ପଢିକି ପାଶ ପରୀକ୍ଷା ବିନା !

କାମ ନ କରି ଦରମା ନେଲେ ଅଫିସ ହେଲା ଛୁଟି

ସେଲୁନ ଯେଣୁ ଖୋଲିଲା ନାହିଁ ବଢିଲା ଦାଢ଼ି ଚୁଟି !

ଜିନିଷ ପତ୍ର ମହଙ୍ଗା ହେଲା ପେଟ୍ରୋଲ ହେଲା ଚଢା

ପଦାକୁ ଯିବା ବାରଣ ହେଲା ନିୟମ ହେଲା କଡା !

ଦେବ ମନ୍ଦିର ପଡିଲା ତାଲା ଦିଅଁ ନ ହେଲେ ପୂଜା

ବିନା ଲୋକରେ ବିବାହ ହେଲା ନ ବାଜି ଡିଜେ ବାଜା !

ସାନିଟାଇଜର ସାବୁନ ଘଷି ହାତରୁ ଛାଡେ ଚୋପା

ପୋଲିସ ମାଡ଼େ ଘାଇଲା ଲୋକ ମଉସା ଡ଼ାକେ ବୋପା !

ଏତେ ଦୁଃଖରେ କାଟିଲୁ କାଳ ବିଗତ ବର୍ଷ ଯାକ

ନୂଆ ବରଷ ଆସିଲେ ତୁମେ ହରଷ ହେବେ ଲୋକ !

ହଟେଇ ଦିଅ ରୋଗର ଦାଉ ଆନନ୍ଦ ଦିଅ ଭରି

ତୁମ ବାଟକୁ ଅନେଇ ଅଛୁ ସ୍ୱାଗତ ପୁଷ୍ପ ଧରି !

ଲୋକ କହନ୍ତି ବାଇଶି ଅଟେ ଏକ ଅଶୁଭ ସଂଖ୍ୟା

ତୁମେ କରିବ ଏମିତି କାମ ହଟିବ ତାଙ୍କ' ଶଙ୍କା !