Library
ସ୍ଵାଗତ ବିଂଶ ଦ୍ଵାବିଂଶ
ସ୍ଵାଗତ ବିଂଶ ଦ୍ଵାବିଂଶ
ସ୍ଵାଗତ ସ୍ଵାଗତ ବିଂଶ ଦ୍ଵାବିଂଶ
ହେ ନବ ବରଷ ହଟା କିଳବିଷ |
ପ୍ରାଣେ ପ୍ରାଣେ ଭରିଦିଅ ପୁଲକ
ଦୂର କର କରୋନାର ଆତଙ୍କ |
ମଙ୍ଗଳ ଭବନ କର ଭୁବନ
ଉଡ଼ୁ ବିଶ୍ୱେ ଶାନ୍ତି ମୈତ୍ରୀ କେତନ |
ଆଶା ଭରସାର ହୁଅ ପ୍ରତୀକ
ହୃଦେ ହୃଦେ ବହୁ ଭାବ ସାତ୍ତ୍ଵିକ |
ବଦଳୁଛି ଦିନ ମାସ ବରଷ
ବଦଳୁନି କିନ୍ତୁ ଜନ ମାନସ |
ଲୋଭ ସ୍ୱାର୍ଥ ଈର୍ଷା କରିଛି ବସା
ଅର୍ଥ ପଛେ ଧାଇଁ ଉଡ଼ୁଛି ହଂସା |
ହରାଇ ଦେଲାଣି ମାନବିକତା
ସତ୍ୟ ଶାନ୍ତି ଦୟା କ୍ଷମା କ୍ଷମତା ।
ଅନ୍ୟାୟ ଅନୀତି ଶାଠ୍ୟ ଆଚରି
ଛଳ କୃତ୍ରିମତା ନେଇଛି ବରି |
ବର୍ଷ ବଦଳିଲେ କି ଲାଭ ତହିଁ
ନିଜର ଚରିତ୍ର ସୁଧାର ରହି |
କର୍ମେନ୍ଦ୍ରିୟ ଜ୍ଞାନେନ୍ଦ୍ରିୟକୁ ଧରି
ସତ ପଥେ ଯାଅ କରମ କରି |
ପରୋପକାର ପୁଣ୍ୟମୟ ବ୍ରତ
ପର ପୀଡ଼ନକୁ ତେଜ ନିରତ |
ପରିବେଶ କର ସୁସ୍ଥ ସୁନ୍ଦର
ଚାରି ପୁରୁଷାର୍ଥ ଅର୍ଜନ କର |
କର୍ମର ସଦା କର ଜୟଗାନ
ସୃଷ୍ଟି ହେବ ସୁଧାମୟ ନିଧାନ |
ସମୟ ସୁଯୋଗ ନେଇ ଆସଇ
ଉପଯୋଗେ ତାର ମୂଲ୍ୟ ବଢ଼ଇ |
କର ସମୟର ସଦୁପଯୋଗ
ନୂଆ ବର୍ଷ ହେଉ ସୁଉପଭୋଗ୍ୟ |
ସୃଷ୍ଟି ଶ୍ରେଷ୍ଠ ଜୀବ ନିଜେ ବଦଳ
ଝରାଅ ସ୍ୱର୍ଗୀୟ ପ୍ରୀତି ନିର୍ଝର |
