Library
Profile
ସାଧୁର ସ୍ବପ୍ନ
ସାଧୁର ସ୍ବପ୍ନ
ଆବଶ୍ୟକତା ର ଉପଲବ୍ଧି ....
ଏକ ଦୀର୍ଘ ଶ୍ୱାସ ର ପୁନରାବୃତ୍ତି ।
ନିଜକୁ ଐକ୍ୟ ଶକ୍ତି ସମ୍ପର୍ଣ୍ଣ ,
ଭାବୁଥିବା 'ମୁଁ 'କଣ ହେଇପାରିଛି ?
ମୁଁ ଜନ୍ମ ନେଇଛି ....
ବଞ୍ଚିବାର ଅଧିକାର ନେଇ
ଜଣେ ନାରୀ ର ଗର୍ଭ ରୁ ,
ଏକ ପୁରୁଷ ର ପୌରୁଷ ରୁ
ମୋର ମୃତ୍ୟୁ ବି ହେବ
ଏଇ ନାରୀ ଗର୍ଭ ରେ
ପଞ୍ଚ ମହଭୂତ ରେ ।
ରସ ,ରକ୍ତ , ମାଂସ ର ଶରୀର ରେ
ଜୀବନ ର ଜ୍ୟୋତି ଉଜ୍ଜୀବିତ ହୁଏ
ମୃତ୍ୟୁର ଆଗମନ ରେ
ସେହି ଜ୍ୟୋତି ପ୍ରକମ୍ପିତ ।
ନାରୀ ବିହୀନ ଜୀବନ ର ଇଛା ନେଇ,
ନଦୀ ରେ ଯାତ୍ରା ପାଇଁ ଉଦ୍ୟତ ହୁଏ 'ମୁଁ'
କିନ୍ତୁ ଏ କଣ !
ନଦୀ ଯେ ନାରୀ ତୁଲ୍ୟା
ତା'ର ସ୍ପର୍ଶ କଣ !
ଆବେଗ କୁ ଉଜ୍ଜୀବିତ କରିବ ?
କାମନା ର ଅଗ୍ନି ପ୍ରଜ୍ବଳିତ କରିବ ?
ନା' କେବେ ନୁହେଁ !
ଯଦି ହଁ ! ତେବେ ଏହା କଣ ସତ୍ୟ ,
ମୁଁ ପୁନର୍ବାର ନାରୀ ର ଆଶ୍ରୟ ନେଉଛି !
ନାଆ ରୁ ଚାଲି ଆସିଲି 'ନାଁ' ପାଇଁ
ମାଟି ରେ ପାଦ ଦେଉ ଦେଉ ...
କହି ଉଠିଲା ପାଟି ଦି ଫାଳ ହେଇ ....
ମାଟି ମଧ୍ୟ ନାରୀ ତୁଲ୍ୟା
ମାଆ ତୁଲ୍ୟା, ଦେବୀ ତୁଲ୍ୟା
ଅତୁଲ୍ୟା ବହୁଧା ବହୁଲ୍ୟା ।
ମୁଁ କଣ ନାରୀ ତନ୍ତ୍ର ରେ ,
ପାଦ ସ୍ଥାପିତ କରିଛି
ପୁଣୀ ଥରେ ଭୁଲ୍ ପୁନରାବୃତ୍ତି ...
ପାଦ ଅଟ୍ଟହାସ୍ୟ କରି ଉଠିଲା
ଆତ୍ମା ର ଅସହାୟତା କୁ ଲକ୍ଷ କରି
ଶରୀର ପ୍ରକମ୍ପିତ ହେଲା
ଶରିରୀର ମାନ ହାନି କରି
ପାଦ ପୁଣିଥରେ ଅଟ୍ଟାହାସ୍ୟ କଲା
ପୁଣୀ ଥରେ ନାରୀ ର ସାହାଯ୍ୟ ଲୋଡିଲା
ଭ୍ରୁକ୍ଷେପ କଲା କଟାକ୍ଷ କଲା ବାରମ୍ବାର
ବାରମ୍ବାର, ବାରମ୍ବାର ....
ସାଧୁର ସ୍ବପ୍ନ ଭଙ୍ଗ ହେଲା ।
ବ୍ରହ୍ମ ମୁହୂର୍ତ୍ତରେ ,ଅରୁଣୋଦୟ ,
ଅପେକ୍ଷାରେ ,........
ସୂର୍ଯ୍ୟ ସ୍ନାନ ପ୍ରତୀକ୍ଷାରେ ।।
