ସାବିତ୍ରୀ ପୂଜା-ବ୍ରତ
ସାବିତ୍ରୀ ପୂଜା-ବ୍ରତ
ଗଛପତ୍ର ହଲିବନି, ଅସହ୍ୟ ଗୁଳୁଗୁଳି,
ଜ୍ୟେଷ୍ଠ ଖରା ଦିନ
ପ୍ରକୃତି, ତାପମାତ୍ରା, ପରିବେଶକୁ ନେଇ
ହୁଅଇ ପର୍ବ ପାଳନ ।
ଆମ୍ବ, ପଣସ, ନଡିଆ ତୋଳା ହୋଇ
ରହିଥାଏ ପ୍ରତ୍ୟେକ ଘରେ
ନୂଆ ଶାଢ଼ୀ, ଅଳଙ୍କାର ପିନ୍ଧି ବ୍ରତ ପାଳନ
ହୁଏ ସାବିତ୍ରୀ ଅମାବାସ୍ୟାରେ ।
ସାବିତ୍ରୀ କରିଥିଲେ ପୂଜା ବଣ ଭିତରେ
ଫଳ କୋଳି ସହ ଦୀନହୀନ ଅବସ୍ଥାରେ
ଆଜି କିନ୍ତୁ ବନାରସି ପାଟ, ହାର ବେଢ଼େଇ
ବ୍ରତ ପାଳନ ହୁଏ କିଣି ଫଳ ଚଢାଦରରେ ।
ଶାଢ଼ୀ, ଚୁଡି,ଫଳ, ସୁନାଗହଣା ଆକର୍ଷଣରେ
ସ୍ତ୍ରୀ ମାନଙ୍କର କେତେ ଆୟୋଜନ
ଦେଖା ଶିଖା ନ୍ୟାୟରେ ସୁନା କିଣା ମୋହରେ
ଏବେ ଭିଡ଼ ସବୁ ଦୋକାନ ।
ଓଡ଼ିଆ ବାହାଘରରେ ମେହେନ୍ଦୀ, ରସମ୍, ହଳଦୀ
ପଶିଗଲା ପରି ମଧ୍ୟ ସାବିତ୍ରୀ ପୂଜାରେ
ପୂଜାବ୍ରତ ପାଇଁ ବଢ଼ିଲାଣି ଖର୍ଚ୍ଚ ଓ ଚର୍ଚ୍ଚା ଖାଦ୍ୟ,
ବସ୍ତ୍ର ଓ ଆନନ୍ଦ ଆଳରେ ।
ଆଜିକାଲି ଦରବୃଦ୍ଧି କଷାଘାତରେ ବ୍ୟତିବସ୍ତ
ସତ୍ୟବାନ ମାନେ ଏ ଆୟୋଜନରେ
ମନରେ ନିବେଦନ କଲେଣି, ବଢ଼େଇବାକୁ
ଆୟୁଷ, ନକର କଷ୍ଟ ସାବିତ୍ରୀ ପୂଜାରେ ।
ସାବିତ୍ରୀ ଭାର ଆଣି ଥାଆନ୍ତି ଭାଇ, ଯଦି
ହୋଇଯାଏ କେବେ ଡେରି ସେଥିରେ
ଫିଙ୍ଗି ଦିଅନ୍ତି କିଛି ସାବିତ୍ରୀ ମୁଗ, ପଣସ,
କଦଳୀ, ଖଜୁରୀ ଅଗଣାସାରା ରାଗରେ ।
ଲଦି ଦିଆଯାଇଥିବା ଆଡ଼ମ୍ବରର ବିରୋଧ
କରିଲେ, ପରିବର୍ତ୍ତନର ଅନ୍ତଃଫଲଗୁ ହେବ
ସାବିତ୍ରୀ ପୂଜା-ବ୍ରତ ନକଲେ ପ୍ରଗତିଶୀଳ ନାରୀକୁ
ସତୀତ୍ଵର ଅବମାନନା, କିଆଁ କହିବ ।