ସାବିତ୍ରୀ ବ୍ରତ

କରୋନା ଡରରେ ପତ୍ନୀ ଚିନ୍ତାକଲେ

ସାବିତ୍ରୀ ବ୍ରତକୁ ନେଇ ।

ଦୋକାନ ବଜାର ବନ୍ଦ ମିଳିବନି .....

ଦ୍ରବ୍ୟ ବିଧି ରକ୍ଷାପାଇଁ ।।୧।।

ଶାଢ଼ୀ,ଚୁଡି,ଶଙ୍ଖା, ସିନ୍ଦୂର,ଅଳତା

ସଜହେବ କେଉଁ ପରି ।

ନଡ଼ିଆ, କଦଳୀ, ଆମ୍ବ ଓ ପଣସ,

ଖଜୁରୀ କୋଳି ସପୁରି ।।୨।।

ସାବିତ୍ରୀଙ୍କ ପ୍ରିୟ ଏସବୁ ଜିନିଷ

ପୂଜା ଯୋଗାଡ଼ ଯେପରି ।

ଅମାବାସ୍ୟା ବିଧି ହେବ ଅସମ୍ଭବ

ମତା କ୍ରୋଧେ ଦେବେସାରି ।।୩।।

ସହଜେ କରୋନା ଅମ୍ଫାନର ବାତ୍ୟା

ବୁଝେନା କାହାର ଦୁଃଖ ।

ସାମାନ୍ୟ ଅଭାବେ ବଇରୀ ସାଧିବ

ସତ୍ୟାନାଶ ହେବ ସୁଖ ।।୪।।

କ୍ଵାରଣ୍ଟାଇନରେ ସଙ୍ଗରୋଦ୍ଧ ଆଦି

ସାମାଜିକ ଦୂରତାକୁ ।

ଦାଦନ ଶ୍ରମିକ ଫେରିବାର ଦୁଃଖ

ଦୁର୍ବିସହ ଜୀବନକୁ ।।୫।।

ପତିଙ୍କୁ ସରାଗେ ପତ୍ନୀ ସ୍ନେହକରି

ପଠାଇଲେ ବଜାରକୁ ।

ବିଚାରା ପତିଟା ଲାଚାର ହୋଇଲେ

ଶକ୍ତି ନାହିଁ ଅବଜ୍ଞାକୁ ।।୬।।

ବାଧ୍ୟହୋଇ ଗଲେ ମାକ୍ସ ପିନ୍ଧିମୁଖେ 

ଝାଞ୍ଜି ଖରା ମଧ୍ୟାହ୍ନରେ ।

ସାମ୍ଭବ୍ୟ ଆଶଙ୍କା ଝଡ଼,ବର୍ଷା ବାତ୍ୟା 

ବିପନ୍ନ ବଜାର ଡରେ ।।୭।।

ଜୁ ନାହି ପତ୍ନୀଙ୍କ ଆଦେଶ ଅମାନ୍ୟ

କେଉଁ ପୁରୁଷ ପକ୍ଷରେ ।

ଝୁଲାଟିଏ ଧରି ବଜାରେ ବୁଲିଲେ

ଥକିଗଲେ ହାଲିଆରେ ।।୮।।

ହଂସା ଉଡ଼ିଗଲା ଦରଦାମ ଦେଖି

ଜନତାଙ୍କ ଗହଳିରେ ।,

ଥକାହୋଇ ବସି କ୍ଳାନ୍ତ ଦୂରକଲେ

କିଛି କ୍ଷଣ ଅନ୍ତରରେ ।।୯।।

କିଞ୍ଚିତ ସାମଗ୍ରୀ ନେଇ ବାହୁଡ଼ିଲେ

କିଂକର୍ତ୍ତବ୍ୟବିମୂଢ଼ରେ ।

ମୁଣାଦେଖି ପତ୍ନୀ ଝାଉଁଳି ପଡ଼ିଲେ

ଅବସାଦ, ବେଦନାରେ ।।୧୦।।

ଏପରି ଅବସ୍ଥା ଦେଖି ଶ୍ରୀମତୀଙ୍କ

ପତି ଦେବ ଆତଙ୍କରେ ।

ପାଶେ ଯାଇ ପତି ସାଷ୍ଟାମ କରିଲେ

କହିଲେ ନାନା ପ୍ରକାରେ ।।୧୧।।

ପତି ବାକ୍ୟ ଶୁଣି ଅବୁଝା ଘରଣୀ

ମାନିଲେନି ସହଜରେ ।

ପରିସ୍ଥିତି ବ୍ୟାଖ୍ୟା କରିଲେ ସତ୍ତ୍ଵରେ

ତଥାପି ପତ୍ନୀ କ୍ରୋଧରେ ।।୧୨।।

ପତି ଯେତେବେଳେ ତାଣ୍ଡବ ରଚିଲେ

ପଡ଼ି ଗଲେ ପାଦତଳେ ।

କରୋନା ଅମ୍ଫାନ ଠାରୁ ପତି କୋପ

ମୃତ୍ୟୁ ହେବ ତତକାଳେ ।।୧୩।।

ପରିଶେଷେ ପତ୍ନୀ ପତିଙ୍କ ଭୟରେ

ମନକୁ ସାନ୍ତ୍ଵନା ଦେଲେ ।

ଅଳ୍ପ ସ୍ଵଳ୍ପ ନେଇ ସାବିତ୍ରୀ ପୂଜିଲେ

ସ୍ବାମୀଙ୍କୁ ସନ୍ତୋଷ କଲେ ।।୧୪।।