ସାବାସ ଦୂରଦର୍ଶନ
ସାବାସ ଦୂରଦର୍ଶନ
ଦୃଶ୍ୟ ଶ୍ରାବ୍ୟ ଯନ୍ତ୍ର ସାର ଏ ଦୂରଦର୍ଶନ
ଘରେ ଘରେ ସବୁଠାରେ ଅତି ପ୍ରୟୋଜନ ।
ଇସ୍ରୋ ଚନ୍ଦ୍ର ଅଭିଯାନ ସର୍ଜିକାଲ ଷ୍ଟ୍ରାଇକ
ତିନିଶ ସତୁରି ଧାରା ଉଛେଦ ଛବିଟି ।
ରାଫେଲ ଯୁଦ୍ଧ ବିମାନ ବାୟୁବୀର ଯାନ
ପ୍ରଧାନ ମନ୍ତ୍ରୀଙ୍କ ଶାଣ ଟାଣ ବାକ୍ୟ ବାଣ ।
ଚାଇନା ସୀମାନ୍ତ ସାମରିକ ଆୟୋଜନ
ଜାତିସଂଘେ ଭାରତର ସୁନାମ ଅର୍ଜନ ।
କରୋନା ଯୋଦ୍ଧାଙ୍କ ତ୍ୟାଗ ସେବା ବିବରଣ
କୋଭିଡି ଟୀକା କରଣ ଦୂରତା ରକ୍ଷଣ ।
ତାଲିବାନୀ ଆଫଗାନୀ ଯୁଦ୍ଧ ବିଭୀଷିକା
ସାମରିକ ଅଭିଯାନେ ଚାଇନା ଅଭୀପ୍ସା ।
ବିଶ୍ୱ ସାରା ସଂଘଟିତ ରାଜନୀତି ଚିତ୍ର
ନିର୍ବାଚନ ଫଳାଫଳ କିଏ ହାର ଜିତ ।
କ୍ରିକେଟକୁ ଫୁଟବଲ ବ୍ୟାଡ଼ମିଣ୍ଟନ
ମାଲକୁସ୍ତି ମୁଷ୍ଟିଯୁଦ୍ଧ ଜଳ ସନ୍ତରଣ ।
କୃଷି ସ୍ୱାସ୍ଥ୍ୟ ଶିକ୍ଷା ଶିଳ୍ପ ସମ୍ବନ୍ଧୀୟ ଜ୍ଞାନ
ପାଣିପାଗ ନିର୍ଦ୍ଧାରଣ ସତର୍କ ପ୍ରଦାନ ।
ସୂଚନା ପ୍ରଯୁକ୍ତି ବିଦ୍ୟା ମହାକାଶ ଯାନ
ଉପଗ୍ରହ ଉତକ୍ଷେପଣ ଗ୍ରହେ ଅଭିଯାନ ।
ଅନଲାଇନ ପାଠପଢ଼ା ସମ୍ବାଦ ପ୍ରେରଣ
ଆଭାସି ଅଧିବେଶନ ସଂଯୋଗୀ କରଣ ।
ଦୂରଦର୍ଶନ ହିଁ ଅଟେ ଜଗତ ନୟନ
ଏହା ବିନା ରସହୀନ ମାନବ ଜୀବନ ।