ସାଆନ୍ତେ ପହଣ୍ଡି କଲେଣି
ସାଆନ୍ତେ ପହଣ୍ଡି କଲେଣି
ଶ୍ରୀ ମନ୍ଦିର ଆଜି ଉଠୁଛି ପଡୁଛି
ବଡଦାଣ୍ଡେ ଭିଡ ଜମୁଛି
ଲକ୍ଷ ଲକ୍ଷ ଭକ୍ତ ଅନାଇ ଅଛନ୍ତି
କାଳିଆ ପହଣ୍ଡି କରୁଛି
ଝୁଲିଝୁଲି ପରା ଆସୁଛି ସାଆନ୍ତ
ଭୁଜ ଦୁଇଟାକୁ ମେଲିଛି
ପଣ୍ଡା ପଢିଆରୀ ଧରିଛନ୍ତି ଭିଡି
ଆଃ କିସୁନ୍ଦର ଦିଶୁଛି
ଟାହିଆ ର ଛଟ ଉଠୁଛି ପଡୁଛି
ତୁଳସୀର ମାଳ ଶୋଭା ବଢ଼ାଇ ଦେଉଛି
କାଗଜ ଫୁଲ ବି ଖୁସିରେ ଗଦଗଦ ହୋଇ ପଡୁଛି
ହରିବୋଲ, ହୁଳହୁଳି ଶବ୍ଦେ ତ୍ରିଭୁବନ କମ୍ପି ଉଠୁଛି
ଘାଣ୍ଟୁଆ ର ଘଣ୍ଟ ଶବଦେ
ଦେବଦାସୀ ନାଚି ଯାଉଛି
ସୁବାସ ଚନ୍ଦନ ମହକି ପଡୁଛି
ସାଆନ୍ତ ମୋ ବିଜେ କରୁଛି
ଆକୁଳ ଚିତରେ ଆନାଇ ରହିଛି
ରଥରାଜ ନନ୍ଦୀଘୋଷ ବି
ରଥପଥେ ତାଙ୍କୁ ପାଛୋଟି ଆଣିବେ
ସେବାୟତ, ଦଇତା ପତି
ଭାବ ବିନୋଦିଆ ସେ ତ
ଭାବର ଠାକୁର ଭାବେ ବାନ୍ଧି ଅଛି
ଜଗତ କୁ ତାର
ଭାବକୁ ନିକଟ ସେ ଅଭାବକୁ ଦୂର ll