ଲାଇବ୍ରେରୀ
ପ୍ରୋଫାଇଲ୍
ସ୍ୱପ୍ନ
ସ୍ୱପ୍ନ
1 min
131
ନିଦ୍ରିତ ଆଖିରେ ସ୍ୱପ୍ନ
ନାହିଁ ସେ ସ୍ୱପ୍ନର ଆଦ୍ୟ କି ସୀମାନ୍ତ
ନାହିଁ ତାହାର କେବେ ଧନୀ ଗରିବ ବାଛ ବିଚାର
ନାହିଁ ତାହା ପାଖେ ଗଣନା ବୟସର
ଛୋଟ ପିଲାଠାରୁ ବୟୋଜ୍ୟେଷ୍ଠ
ସଭିଙ୍କ ଆଖିରେ ନିଦ ଆସୁ ଆସୁ
ଅବିଳମ୍ବେ ରାଜୁତି ଏଇ ସ୍ୱପ୍ନର।
କେବେ କିଏ ଦେଖେ ସେ ଲାଟ୍ ସାହେବ
କେବେ ଦେଖେ ମାଲିକ ସେ ବଡ଼ ଅଟ୍ଟାଳିକାର
କେବେ ପୁଣି ସ୍ୱପ୍ନରେ ବିଲାତ ଭ୍ରମଣ
କେବେ ଦୁଃସ୍ୱପ୍ନ ଦିଏ ଥରାଇ ଶରୀର।
ସ୍ୱପ୍ନ ରାଇଜରେ ସଭିଏଁ ମୁରବୀ
ନିଜ ମନ ମୁତାବକ ସଭିଏଁ ବଞ୍ଚନ୍ତି
ସ୍ୱପ୍ନକୁ ଦେଖି ନିଦେ କିଏ ହସୁଥାଏ ତ
କିଏ ପିଲା ଭଳି କାନ୍ଦି ଉଠନ୍ତି।
ଆଚ୍ଛା କଥା ଏ ସପନ ଦେଖିବା
ସକାଳ ପାହିଲେ ଅର୍ଥ ଖୋଜା ପଡ଼େ
ରାତିରେ ସପନ ଦେଖିଥିବା ଲୋକ
ବେଳେବେଳେ ତାକୁ ଭୁଲି ନ ପାରେ।
ସ୍ୱପ୍ନରେ ଦେଖି ବଡ଼ ଘର, ବଡ଼ ଗାଡ଼ି
ନିଜକୁ ନିଜେ କ୍ଷଣିକ ପାଇଁ
ସୁଟ୍ ବୁଟ୍ ପିନ୍ଧା ଧନୀ ମଣନ୍ତି
ଦ୍ରୁତଗାମୀ ମଟର ଗାଡ଼ିରେ ସବାର ହୋଇ
ସାରା ଦୁନିଆରେ ବୁଲି ଆସନ୍ତି।
