Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!
Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!

BISWESWAR MAJHI

Inspirational

4.6  

BISWESWAR MAJHI

Inspirational

ସ୍ୱାସ୍ଥ୍ୟ ହି ସମ୍ପଦ

ସ୍ୱାସ୍ଥ୍ୟ ହି ସମ୍ପଦ

1 min
169



ଶରୀର ମାଧ୍ୟମେ ଧର୍ମ ପାଳନର ବେଦୋପନିଷଦ ବାଣୀ

ଅସୁସ୍ଥ ଶରୀର ଆଶରୀରୀ ଠାରୁ ଅହିତକାରକ ଜାଣି।


ପତଂଜଳି ମହାମନା ଜଗତକୁ ସମର୍ପଣ କଲେ ଯୋଗ

ଯୋଗ ବଳେ ଦୃଢ ସମୃଦ୍ଧ ହୁଏ ଶରୀର ମନର ବେଗ ।


ପ୍ରାତ ସମୟରୁ ନିତ୍ୟ କର୍ମ ସାରି ପ୍ରାତ ଭ୍ରମଣରୁ ଫେରି

ଖୋଲା ସ୍ଥାନ ଯହିଁ ପବନ ଆଲୋକ ମୁକ୍ତ ଚଳାଚଳ କରି ।


ଶାନ୍ତ ସମାହିତ ଚିତ୍ତ ବୃତ୍ତେ ପଦ୍ମାସନ ଅବା ସିଦ୍ଧାସନ

ଭସ୍ତ୍ରିକା କଲେ ଶରୀରୁ ମଇଳା ହୋଇବଟି ନିଷ୍କାସନ ।


'କପାଳ ଭାତି' ର ପବନ ବୁହାଇ ଭିତର କରିବା ସଫା

'ଅନୁଲୋମ ବିଲୋମ' 'ଭ୍ରମରୀ' ସହିତ 'ଉଦଗ୍ରୀବ' ପାଂଚ ଦଫା ।


ପବନ ମୁକ୍ତାସନ ନୌକାସନ ସାଥିରେ ଧନୁରାସନ

ନୋଳି ନେତିଲୋଟା ଭୁଜଂଗାସନ ଆବର ମୟୂରାସନ ।


ଘଣ୍ଟାଟିଏ ଯଦି ସକାଳୁ ସକାଳୁ ନିଜ ପାଇଁ ଦେଇ ହେବ

ରୋଗ ବ୍ୟାଧି କାହିଁ ଛାଡି ପଳାଇବ ଡାକ୍ତର ମଶା ମାରିବ ।


ଫାଷ୍ଟ ଫୁଡ୍ ଖାଇ ମେଦ ବୃଦ୍ଧି କରୁ ଟିଭି ମୋବାଇଲ ସାଥୀ

କସରତ ନାହିଁ ଅଳସୁଆ ହୋଇ ରୋଗ ସାଂଗେ କରୁ ପ୍ରୀତି ।


ଅବ୍ୟବସ୍ଥିତ ଜୀବନ ଶୈଳୀ ବସ୍ତୁବାଦର ରାଜୁତି

ବ୍ୟସ୍ତ ବିବ୍ରତ ଧାଆଁ ଦଉଡରେ ହୋଇ ଆଉଟି ପାଉଟି ।


ଏକୋଇଶ ଜୁନ ଆନ୍ତର୍ଜାତିକ ଯୋଗ ଦିବସ ପାଳନ

ବିଶ୍ୱ ସମୁଦାୟ ପାଳୁଛି ଆଦରେ ଭାରତର ବରଦାନ ।


ଯୋଗ ପ୍ରାଣାୟାମ ଜୀବନ ନାଟିକା ରେଚକ ପୁରକ ବଳ

ଯୋଗେଶ୍ୱର ବାଣୀ ଯୋଗ କ୍ଷେମ ଆମ ବହିବେ ବିଭୁ ସକଳ ।



Rate this content
Log in

Similar oriya poem from Inspirational