ସ୍ୱାର୍ଥରେ ବନ୍ଧା ଶ୍ରେଷ୍ଠ ଜାତି
ସ୍ୱାର୍ଥରେ ବନ୍ଧା ଶ୍ରେଷ୍ଠ ଜାତି
ମୋହମାୟାର ଏ ସଂସାର । ଗଢିଛ କିମ୍ପାଇଁ ଈଶ୍ୱର ।।
ସ୍ୱାର୍ଥରେ ବନ୍ଧା ଶ୍ରେଷ୍ଠ ଜାତି । ମନୁଷ୍ୟ ରୂପେ ତା'ର ଖ୍ୟାତି । ।
ସମ୍ପର୍କ ନାମରେ କପଟ । ଧନସମ୍ପଦ ପାଇଁ ନାଟ ।।
ସମ୍ପଦ ବେଳେ ସର୍ବସଖା । ବିପଦେ ନ ଦିଅନ୍ତି ଦେଖା ।।
ଧନୀକ ପାଏ ଯେ ଆଦର । ବଡିମା ଦେଖାଇ ତାହାର ।।
ସାହାଯ୍ୟ ପାଇବା ଆଶାରେ । ବାନ୍ଧନ୍ତି ଆପଣା ପଣରେ ।।
ଦୋଷକୁ କରି ଅଣଦେଖା । କରନ୍ତି ବନ୍ଧୁତାର ଭିକ୍ଷା ।।
ସମ୍ପଦ ନୁହେଁ ସ୍ଥିର କେବେ । ହରାଇଦିଏ କିଏ ଯେବେ ।।
ସମ୍ପର୍କ ପଡ଼ିଯାଏ ଫିକା । କାହାକୁ ନ ମିଳଇ ଦେଖା ।।
ଆଳ ଦେଖାଇ ହ୍ୱନ୍ତି ଦୂର । ଦେଖାନ୍ତି ବିଚିତ୍ର ବେଭାର ।।
କାହିଁକି ଏମିତି ବିଚାର । ଖୋଜିଲେ ନମିଳେ ଉତ୍ତର ।।
ସ୍ୱାର୍ଥରୁ ମୁକତି କେମନ୍ତେ । ସୃଷ୍ଟିର ନାଥ କୁହ ମୋତେ ।।
କରୁଣା ରାଶି ଢାଳିଦେଇ । ସ୍ୱାର୍ଥକୁ ବିନାଶ ଗୋସାଇଁ ।।
ନ ରହୁ କା' ମନେ କପଟ । ନିଃସ୍ୱାର୍ଥ ସମ୍ପର୍କ ଅତୁଟ ।।