"ସ୍ୱାର୍ଥପର ନର"

ଦୁଃଖ କଷ୍ଟ କରି

ସଞ୍ଚିଛୁ ଯେତିକି ଧନ

ଭାବିଛୁ କି ତୁହି

ଆସିବ ଏମିତି ଦିନ

ନିଜ ଲୋକ ତୋର

ସୁଖରେ ଦୁଃଖରେ ଥିବେ

ମନ ଜାଣି ନିତି

ସଦା ସାହାରା ବନିବେ

ସ୍ୱାର୍ଥପର ନର

ସ୍ୱାର୍ଥ ପାଇଁ ନିତି ସିଏ

ସମ୍ପର୍କର ଡୋର

ଅକାରଣେ ଭୁଲି ଯାଏ

ସେପରି ନରକୁ

ମିଳୁ ନରକ ଯନ୍ତ୍ରଣା

ନିତି ଯିଏ କରେ

କୁଟ ଆଉ କୁ ମନ୍ତ୍ରଣା

ଶୁଭ ବୁଦ୍ଧି ଯଦି

ନ ଆସେ ମନ ମଧ୍ୟରେ

କପଟ ନ କର

କେବେ କାହା ସାଥିରେ

ବିଭୁଙ୍କ ସୃଷ୍ଟିରେ

ସ୍ୱଳ୍ପ ବୁଦ୍ଧି ନର ଆମେ

କର୍ମ କରି ଯିବା

ଖୁସିରେ ରହିବା ଧାମେ

ପାପ ବୋଲି ଜାଣି

ଅକର୍ମ କରିବା କାହିଁ

ଭୁଲ କଥା ଯେତେ

ମନକୁ ଆଣିବା ନାହିଁ

ହାତ ଯୋଡି ଆମେ

ପ୍ରାର୍ଥନା କରିବା ନିତି

ବିଭୁଙ୍କୁ ଡାକିବା

ମନରେ ରଖି ଭକତି