ସ୍ୱାମୀଜୀ
ସ୍ୱାମୀଜୀ
ପିଲେ ଶୁଣ ବିଲେ ବୋଲି ଥିଲା ପିଲାଟିଏ
ପିଲାଦିନୁ ଈଶ୍ୱର ପ୍ରେମରେ ମଗ୍ନଥାଏ।
ବିଚକ୍ଷଣ ଥିଲା ଧୀଶକ୍ତି ଜ୍ଞାନ ତାର
ଉଜ୍ଜ୍ୱଳ ମୁଖକୁ ଡଉଲ କାନ୍ତି ଯାର ।
ଥିଲା ସେ ବୁଦ୍ଧି ବିଦ୍ୟାରେ ଧୁରନ୍ଧର
ଶିଷ୍ୟ ରାମକୃଷ୍ଣ ପରମହଂସଙ୍କର ।
ଆମେରିକା ଚିକାଗୋ ସହରରେ
ଯୋଗ ଦେଇଥିଲେ ଧର୍ମ ସମ୍ମିଳନୀରେ ।
ଧର୍ମୀୟ ଚେତନା ସଂସ୍କୃତି ଭାରତର
ମହାନ କରିଦେଲେ ବିଶ୍ୱ ଦରବାର ।
ଉଠ୍ ଜାଗ୍ରତ ହୁଅ ଆଗେଇଚାଲ
କର୍ମଠ ସତ୍ୟ ଧର୍ମରେ ମନ ଭର ।
ଉଦୀୟମାନ ପ୍ରଜ୍ଞାର ଅଧିକାରୀ
ଯୁବଜଗତର ପ୍ରତୀକ ହୋଇକରି ।
ସ୍ୱାମୀଜୀ ନାମକୁ କାଳ କାଳ ପାଇଁ
ଇତିହାସେ ହେଲେ ମରଣଜୟୀ ।
ବିଲେ,ନରେନଦତ୍ତ ,ବିବେକାନନ୍ଦ
"ସ୍ୱାମୀଜୀ " ରୂପେ ବାଣ୍ଟିଲେ ମହାନନ୍ଦ ।
ବିଶ୍ୱ ବିଜୟୀ ପୁଅ ଭାରତ ମା'ର
କାଳ ଜୟୀ ତୁମେ ସବୁ ସମୟର ।