ଲାଇବ୍ରେରୀ
ପ୍ରୋଫାଇଲ୍
ସ୍ୱାଧୀନ ଭାରତ ହେ
ସ୍ୱାଧୀନ ଭାରତ ହେ
1 min
177
ନିଳାଭ ଗଗନରୁ ଲିଭିବାକୁ ଯାଉଛି ଅମା ଅନ୍ଧକାରର ଚି଼ହ୍ନ
ଚତୁର୍ଦ୍ଦିଗରେ ପ୍ରକମ୍ପିତ ହେବ ସ୍ୱାଧୀନତା ଦିବସର ସ୍ଲୋଗାନ
ଫରଫର ହୋଇ ଉଡ଼ିବ ଜାତୀୟ ପତାକା
ସତେ ଯେମିତି ବିଜୟର ଶଙ୍ଖ ଧ୍ୱନି ସଂସାରରେ ଫାଟିପଡିବ
ସତରେ କଣ ଆମେ ବିଜୟୀ? ସତରେ କଣ ଆମେ ସ୍ୱାଧୀନ?
ବଳାତ୍କାରରେ ପୀଡିତ ସରଳ, ନିଷ୍ପାପ ନାରୀଟିର ଚିତାକୁ ଦେଖିଲେ ବିଶ୍ୱାସ ହୁଏନା
ସର୍ବତ୍ର ଭୋକର ଭୂଗୋଳ ଆଉ ଅଭାବର କରୁଣ ଚିତ୍କାର ମନରେ ସନ୍ଦେହ ଜାତ କରେ
ଦଶନ୍ଧି ପରେ ଦଶନ୍ଧିର ନୀଡ ରଚନା ପରେବି ଦାରିଦ୍ର୍ୟର କରୁଣ ଚିତ୍କାର
ଅସମାନତା ଆଉ ଅନ୍ଧବିଶ୍ୱାସର ବ୍ୟାପକତା
ଭିତରେ ବିଦ୍ରୋହ ଜାତକରେ
ଯେ ଆଜିବି ଆମେ ପରାଧୀନ, ଆଜିବି ଆମେ ନିଷ୍କ୍ରିୟ
ହେ ସ୍ୱାଧୀନ ଭାରତ !
ଉନ୍ମୋଚନ କର ତୁମ ନିଦ୍ରିତ ନୟନ
ଅଭିଯାନ ଆରମ୍ଭ କର ଏକ ପୂର୍ଣ୍ଣ ସ୍ୱାଧୀନ ଭାରତ ପାଇଁ....
