ରୋମାନ୍ସ

ଆଜି ପୁଣି ପୁରୁଣା ଦିନର କଥା

ଆଖି ଆଗରେ ମୋ ଦିଶୁଛି,

ବୟସ ଢଳି ଢଳି ଯେତେ ଯାଉଛି

ଆମ ପ୍ରେମ ଭାରି ମନେ ପଡୁଛି l 

ବୟସ ସିନା ମୋ ଢଳି ଯାଇଛି

ହେଲେ ପ୍ରେମ ଯାଇନି ଶେଷ ହୋଇ,

ଯେତେଦିନ ବଞ୍ଚିଥିବି ଏଁ ଦୁନିଆରେ

ମୋ ଜୀବନ କେବଳ ତୁମ ପାଇଁ l 

ବୁଢା ବୟସ ମୋ ମାନୁ ନାହିଁ

ଦେଖିଲେ ସାଥି ତୁମକୁ ପାଖରେ,

ପୁଣି ଥରେ ରୋମାନ୍ସ କରିବା ପାଇଁ

ଇଚ୍ଛା ହେଉଛି ତୁମ ସାଥିରେ !

ଆସ ହଜିଯିବା ସେଇ ପୁରୁଣା ଦିନରେ

ତୁମେ ଓ ମୁଁ ଏକା ହୋଇ,

ଭୁଲିଯିବା ଆଜି ପରିବାରକୁ

ଗୋଟେ ଘର ଭିତରେ ଦୁହେଁ ରହିଁ !

ପ୍ରେମ ଆମ ସାକ୍ଷୀ ରହିବ ଚିରଦିନ

ବୟସ ଯିବ ଆମଠୁ ହାରି,

ତୁମେ ମୋ ପାଇଁ ମୁଁ ତୁମ ପାଇଁ

ଆମ ଜୀବନ ହେଇଛି ତିଆରି l 

ଆସ ପ୍ରିୟା ଡେରି କର ନାହିଁ

ରାତି ଯାଉଛି ଧିରେ, ଧିରେ ବିତି,

ଆଜି ରୋମାନ୍ସ କରିବା ପାଇଁ ତୁମ ସାଥେ

ମନ ମୋ ହେଲାଣି କେମିତ, କେମିତି l