ରୋହିଣୀ କୁଣ୍ଡ
ରୋହିଣୀ କୁଣ୍ଡ
ପୁରାଣ ବର୍ଣ୍ଣିତ ରୋହିଣୀ କୁଣ୍ଡର
ଅଛି ଅନେକ ଦୃଷ୍ଟାନ୍ତ
ଶ୍ରୀ ମନ୍ଦିର ବେଢ଼ା ବିମଳା ମନ୍ଦିର
ସମ୍ମୁଖରେ ଅବସ୍ଥିତ
ରୋହିଣୀ କୁଣ୍ଡର ଚଟାଣରେ ସ୍ଥିତ
ମୁଗୁନି ପଥର ଦୁଇ
ଭାସ୍କର୍ଯ୍ୟ ଖୋଦିତ ହୋଇ ରହିଅଛି
କିମ୍ବଦନ୍ତୀ ସାଥେ ରହି
ନୀଳ ମାଧବଙ୍କ ପୂଜା ହେଉଥିଲା
ରୋହିଣୀ କୁଣ୍ଡ ପାଖରେ
ଭିନ୍ନ ଭିନ୍ନ ପୌରାଣିକ ତଥ୍ୟ ଅଛି
ଦାରୁ ବିଗ୍ରହ ପଛରେ
ନୀଳ ମାଧବ ହିଁ ପରବର୍ତ୍ତୀ କାଳେ
ଦାରୁ ରୂପୀ ଜଗନ୍ନାଥ
ସେ ଗୂଢ ରହସ୍ୟ ପୁରାଣ ପୃଷ୍ଠାରେ
ପ୍ରସଙ୍ଗ ସହ ବର୍ଣ୍ଣିତ
ରୋହିଣୀ କୁଣ୍ଡ ରୁ ଦାରୁ ପ୍ରାପ୍ତି ପରେ
ବିଗ୍ରହ ହୋଇଛି ସୃଷ୍ଟି
କିମ୍ବଦନ୍ତୀ ସହ ପୌରାଣିକ ତଥ୍ୟ
ରହସ୍ୟ ଯୁକ୍ତ ସମ୍ପ୍ରତି
ପ୍ରଳୟ କାଳରେ ରୋହିଣୀ କୁଣ୍ଡର
ଜଳ ହୋଇଲା ବର୍ଦ୍ଧିତ
ସେହି ଜଳ ପୁଣି ବିଲୀନ ହୋଇଛି
କୁଣ୍ଡ ରହିଅଛି ମାତ୍ର
ଭୂଷଣ୍ଡ କାକ ର ହେଲା ମୋକ୍ଷ ପ୍ରାପ୍ତି
ବୁଡି ରୋହିଣୀ କୁଣ୍ଡରେ
ଚତୁର୍ଭୁଜ ରୂପ ଧାରଣ ହୋଇଲା
ପ୍ରମାଣ ଅଛି କୁଣ୍ଡରେ
ନାଭି ଚକ୍ର ନାମେ ଅନ୍ୟ ଏକ କୁଣ୍ଡ
ରୋହିଣୀ କୁଣ୍ଡ ପାଖରେ
ନୀଳ ଚକ୍ର ଆକୃତିର ନାଭି ଚକ୍ର
ରସହ୍ୟ ଅଛି ସେଥିରେ
ମନ୍ଦିର ପ୍ରତିଷ୍ଠା ସମୟେ ବିବାଦ
ବ୍ରହ୍ମାଙ୍କ ଉପସ୍ଥିତିରେ
ଇନ୍ଦ୍ରଦ୍ୟୁମ୍ନ ଆଉ ଗାଲ ମାଧବଙ୍କ
ମନ୍ଦିର ସୃଷ୍ଟି ଦାବୀ ରେ
ଭୁଷଣ୍ଡ କାକ ସହିତ ନାଭି ଚକ୍ର
ରୋହିଣୀ କୁଣ୍ଡ ପାଖରେ
ସାକ୍ଷୀ ରୂପେ ମୁଖ୍ୟ ଭୂମିକା ତୁଲାଇ
ଇନ୍ଦ୍ରଦ୍ୟୁମ୍ନ ସପକ୍ଷରେ
ବିଭିନ୍ନ ପ୍ରସଙ୍ଗ ରହିଛି ଜଡ଼ିତ
ରୋହିଣୀ କୁଣ୍ଡ ସହିତ
ଚଳନ୍ତି ବିଶ୍ୱାସ କୁଣ୍ଡ ଜଳ ସିଞ୍ଛି
ଭକ୍ତ ହୁଅଇ ପବିତ୍ର
ଧନ୍ୟ ମହାପ୍ରଭୁ ଧନ୍ୟ ଶ୍ରୀମନ୍ଦିର
ଧନ୍ୟ ସେଇ ବଡ ଦାଣ୍ଡ
ମନ୍ଦିର ବେଢ଼ାରେ ସବୁରି ମହତ୍ତ୍ଵ
ତା ମଧ୍ୟେ ରୋହିଣୀ କୁଣ୍ଡ ।