ରୋଗର କାରଣ ଆଧୁନିକତା

ବଂଚିବାକୁ ଆଶା କମିଲାଣି ଦୁନିଆରେ 

କାରଣ ସବୁ ଖାଦ୍ୟରେ ଭରିଛି ଜହର

ଫଳମୂଳ ହେଉ କି ଅବା ପନିପରିବା

ସବୁଥିରେ ବେପାରୀ ଭରୁଥାନ୍ତି ଜହର ।

କେଉଁ ଘରେ ଏଥିପାଇଁ ନାରୀଟିଏ ଦାୟୀ

ଆଉ କେଉଁଠାରେ ମଦୁଆଙ୍କ ମତୁଆଲା

ଫାଷ୍ଟଫୁଡ୍ ହେଉ କି ଅସୁରର ଭୋଜନ

ସବୁ ଘରେ ଘରେ ପସରା ହେଲାଣି ଖୋଲା ॥

ଆଗ ଜନ ଉଠନ୍ତି ସୁରୁଜ ନ ଦିଶୁଣୁ

ଆଜିର ନରନାରୀ କିନ୍ତୁ ପୁରା ଓଲଟା

ବ୍ୟାୟାମ ପାଇଁ ଟିକେ ସମୟ ମିଳୁନାହିଁ

ଭ୍ରାମ୍ୟମାଣ ଦେଖିବା ପାଇଁ ହେଲେଣି ମୋଟା ।

ରାନ୍ଧିବାକୁ ହୋଇ ଅଳସ ଆଜିର ମାଆ

କହେ ହେଇଟି ବାହାରୁ କିଣିଆଣନ୍ତନି

ପିଜା ବର୍ଗର ନାନୁ ତରକାରୀ ଆଣନ୍ତି

ଆମଭଳି ଖାଅ ବୋଲି ପ୍ରଚାରକରନ୍ତି ।

ଲିପଷ୍ଟିକ୍ କେଶସଜ୍ଜା ମେହେନ୍ଦି କରିଣ

ମା'ମାନେ ବସନ୍ତି ପିଲାର ସୋଫା ଉପରେ

ବାପା ମାନେ ବସନ୍ତି ଅଫିସରୁ ଫେରିଣ

ବସିଯାନ୍ତି ଭ୍ରାମ୍ୟମାଣ ଯନ୍ତ୍ର ଖେଳ ସାଥିରେ ॥

କାହାର ଖରାପ ହେଲାଣି ପେଟ,ଲିଭର 

ପୁଣି ହେଲାଣି ଆଜି ପିଲାରୁ କ୍ୟାନସର

କେମିତି ବଂଚିବ ହେ ଆଗାମୀ ଭବିଷ୍ୟତ

ଯେଉଁଠି ଦେଖ ଖାଲି ଦିଶୁଛି ବିଷଘର ॥

ଧିକ ଆଜିର ଆସିଥିବା ଆଧୁନିକତା

ଧିକ ସେ ଖାଦ୍ଯବିଷ,କଥାବିଷ,ନିଶ୍ବାସ

ଯିଏ ଅମୄତ ବଦଳରେ ଖୁଆଏ ବିଷ

ସବୁ ହୋଇଯିବେ ଅଳ୍ପଦିନେ ଶେଷ ॥

ଅମ୍ଲଜାନ ହେଲାଣି ସବୁଠି ଆଜି ଶେଷ

ଭରିଛି ବିଷ ପ୍ରତି ପ୍ରାଣୀର ନିଶ୍ବାସରେ

ଗଛ ବଂଚାଇବା ଲଗାଇବା ଦୂରେ ଥାଉ

ଭାଙ୍ଗି ଭୁଙ୍ଗି ବ୍ୟସ୍ତ ସମାଜ ନିଜ ସ୍ବାର୍ଥରେ ॥