Library
Profile
ରୋବଟ
ରୋବଟ
ମୁନାର ପିତାଶ୍ରୀ ଜଣେ ବୈଜ୍ଞାନିକ
ଭେଟିଦେଲେ ଏକ ଯନ୍ତ୍ର
ମଣିଷ ପରିକା ଦେଖା ଯାଉଥିଲା
ପଚାରିଲା ମୂଳମନ୍ତ୍ର ||
ପିତାଶ୍ରୀ କହିଲେ ରୋବଟ ଅଟଇ
ଇଲେକ୍ଟ୍ରୋନିକ ଯନ୍ତ୍ରଟିଏ
ପ୍ରୋଗ୍ରାମ୍ ବଳରେ ମଣିଷ ପରିକା
କାର୍ଯ୍ଯମାନ କରିଥାଏ ||
କଂପ୍ୟୁଟର ଯେହ୍ନେ ପ୍ରୋଗ୍ରାମ୍ ମତେ
ଇପ୍ସିତ କାର୍ଯ୍ୟ କରଇ
ରୋବଟ ସେମିତି ପ୍ରୋଗ୍ରାମ୍ ବଳରେ
ଇପ୍ସିତ କାର୍ଯ୍ୟ କରଇ ||
ମଣିଷର ପରି ଘର ଜଗେ ସିଏ
ରୋଷେଇ ବି କରିଦିଏ
ଯେଉଁ କାର୍ଯ୍ୟ ପାଇଁ ପ୍ରୋଗ୍ରାମ୍ କରିବ
ସେହି କାର୍ଯ୍ୟ କରିଥାଏ ||
ସମୁଦ୍ର ଗର୍ଭର ଫଟୋ ଉଠାଏ ସେ
ମହାକାଶେ କାର୍ଯ୍ୟ କରେ
ଗ୍ରହାନ୍ତରେ ଯାଇ ମଣିଷର କାର୍ଯ୍ୟ
ମଣିଷ ନିର୍ଦ୍ଦେଶେ କରେ ||
ଭୂଗର୍ଭୁ ଖଣିଜ ଉତ୍ତୋଳନ କରେ
ପରୀକ୍ଷା ନିରୀକ୍ଷା କରେ
ଫାର୍ମାସୀ କ୍ଷେତ୍ରରେ ଔଷଧ ପ୍ରସ୍ତୁତି
କାର୍ଯ୍ୟ ମଧ୍ୟ ସିଏ କରେ ||
ସାମରିକ କ୍ଷେତ୍ରେ ବିଶ୍ୱସ୍ତ ସୈନିକ
ବୈମାନିକ ସିଏ ସାଜେ
ଚିକିତ୍ସା କ୍ଷେତ୍ରରେ ରୋଗର ନିଦାନେ
ଚିକିତ୍ସକଟିଏ ସାଜେ ||
କୃଷି କାର୍ଯ୍ୟ ଅବା ବୈଜ୍ଞାନିକ ପରି
କାର୍ଯ୍ୟ ସିଏ କରିଥାଏ
ନିର୍ଭୁଲ ଭାବରେ ବିଶ୍ୱସ୍ତ ଭୃତ୍ୟର
ସବୁ କାର୍ଯ୍ୟ କରି ଯାଏ ||
କରୋନା ପରିକା ମହାମାରୀ କାଳେ
ମୌଳିକ ଚିକିତ୍ସା ପାଇଁ
ରୋବଟକୁ ଆମେ ବ୍ୟବହାର କଲେ
ସଂକ୍ରମଣ ଭୟ ନାହିଁ ||
ଆର୍ଟିଫିସିଆଲ୍ ଇଣ୍ଟେଲିଜେନ୍ସ୍ ଓ
ରୋବୋଟିକ୍ସର ପ୍ରୟୋଗ
ଆଣି ଆସିଅଛି ବିଜ୍ଞାନ କ୍ଷେତ୍ରରେ
ନୂତନ ଗୋଟିଏ ଯୁଗ ||
