ରଙ୍ଗ ଖେଳ

ପ୍ରୀତି ପୁଷ୍ପ ମାଳ ହୋଲି ରଙ୍ଗ ଖେଳ

     ଦେହ ମନ କଲା ବଶ

ଦୁଃଖ ସାଗରରେ ସୁଖର ବୋଇତ

    ଦୂରେଇଲା ଅବସୋସ।

ଜୀବନ ନାଟକେ କେତେ ରଙ୍ଗ ମାଖି

    କରି ଅଛି ଅଭିନୟ

ଶେଷ ରଙ୍ଗ ବୋଳି ଅପେକ୍ଷା ମୁଁ କଲି

   ଶେଷ ଦୃଶ୍ୟ ସେ ସମୟ।

 ଯେଉଁ ରଙ୍ଗ ମାଖି କଲେ ଅଭିନୟ

    ଦର୍ଶକ ହୋଇବେ ଖୁସି

 ସେହି ରଙ୍ଗ ସବୁ ବୋଳି ଥିଲେ ମଧ୍ୟ

    ହୋଇଯାଏ ମୁହିଁ ଦୋଷୀ।

ଏକଇ ରଙ୍ଗକୁ ଶେଷରେ ମାଖିଛି

   କରିବିନି ମୂଲ୍ୟାୟନ

ଦେହେ ମିଶି ଯିବ ଅବା ଧୋଇ ଯିବ

   ପାଇବି ନୂଆ ଜୀବନ।

ଜୀବନର ରଙ୍ଗ ଭସା ବାଦଲ ତ

    ଢାଙ୍କି ଦିଏ ମେଘମାଳ

କେବେ ଇନ୍ଦ୍ରଧନୁ ଦେଖେ ଏ ଦୁନିଆ

   ସବୁ ନିୟତିର ଖେଳ।