ରଙ୍ଗ ହିନ ଅବିର

ଦୁନିଆ ଖେଳୁଛି ନା ନା ରଙ୍ଗେ ଆଜି

ମୋ ଅବିର ରଙ୍ଗ ହାରିଲା,

କେମିତି ଜୀବନ ଦେଲୁ ଜଗନ୍ନାଥ

କାନ୍ଦି କାନ୍ଦି ଦିନ ଗଲା।

ଯେ ଡାଳ ଧରିଲେ ସେ ଡାଳ ଭାଙ୍ଗିଲା

ରଙ୍ଗ ଖେଳ ଗଲି ଭୁଲି,

ହୋଲି ପରବର ରଙ୍ଗ ବୋଳା ବୋଳି

ଜୀବନୁ ଗଲା ମୋ ଚାଲି।

ହୃଦ କନ୍ଦର ମୋ ରଞ୍ଜିତ ହୋଇଲା

ଦୁଃଖରେ ରଙ୍ଗୀନ ହୋଇ,

କେତେ ଦୁଃଖ ଆଉ ଦେବୁରେ କାଳିଆ

ମୁହଁ ଖୋଲି ଦେ କହି।

ଆହା କି ସୁନ୍ଦର ତୋର ଦୋଳି ଖେଳ

ରାଧା ରାଣୀ ସହ ମିଶି,

ମୋ ଜୀବନ ଦୋଳି ଗଲାଣି ରେ ଛିଡି

ଘୋଟିଲା ଜୀବନେ ନିଶୀ।

କେଉଁ ଜନ୍ମ କର୍ମ ଫଳରେ କାଳିଆ

ଏହି ଜନ୍ମେ ଭୋଗେ ମୁହିଁ,

ପାରିବୁ ଯଦି ତୁ କହିଦେରେ ମୋତେ

ଭକତ କଲ୍ୟାଣ ପାଇଁ।

ଦେଖି ମୋର ଦୁଃଖ ତୋହରି ଭକତ

ଭକତିରେ ହେବେ ବନ୍ଧା,

ତୋହରି ସେବାରେ ମୋ ମନ ମଧ୍ୟରେ 

ଫୁଟିବ ରଜନୀଗନ୍ଧା

ତୋହରି ଦାସ ମୁଁ ମିଶ୍ର ହୃଷିକେଶ

ତୋ ସେବାରେ ମୋର ମନ,

ତୋର ଶ୍ରୀ ଚରଣ ମୋର କୁଞ୍ଜବନ

ରହିଥିବି ରାତିଦିନ।