Library
Profile
ରଙ୍ଗ ଅବିର
ରଙ୍ଗ ଅବିର
ଋତୁରାଜ ବସନ୍ତର ଫୁଲେଇ ଫଗୁଣ
ଧରାପୃଷ୍ଠକୁ ଏବେ କରିଛି ଅବତରଣ
ଆମ୍ବ୍ର କାନନେ ସେ ବସନ୍ତ ସୁନ୍ଦରୀ
କୋଇଲିର ଶୁଭେ ସେହି କୁହୁକୁହୁ
ମଧୁର ଶବ୍ଦର ପ୍ରୀତି ଗୁଞ୍ଜନ।।
ପଳାଶ ଓ ଶିମିଳି ଫୁଲର ନାଲି ଓଢଣୀରେ
ସଜାଇ ହୋଇଛି ଆମ ପ୍ରକୃତି ରାଣୀ
ସବୁଜ ଗଛପତ୍ର ସବୁ ସବୁଜ ରଙ୍ଗରେ
ଆପାୟିତ କରି ପ୍ରକୃତିରାଣୀକୁ
ଆଣିଛନ୍ତି ଧରାକୁ ଟାଣି ଟାଣି।।
ବସନ୍ତ ମଳୟ ଆଣିଛି ରଙ୍ଗର ପସରା
ସଭିଙ୍କ ହୃଦୟ ଜିଣିବା ପାଇଁ
ବରଷକେ ଥରେ ଆସଇ ଯେ ହୋଲି
ଅଭିର ରଙ୍ଗକୁ ସାଥେ ନେଇ।।
ଦୋଳ ପୂର୍ଣ୍ଣିମା ରେ ଦୋଳ ବି
ମାନରେ
ପୂଜିତ ହୁଅନ୍ତି ଶ୍ରୀ ରାଧା ଗୋବିନ୍ଦ
ରଙ୍ଗ ଅବିରରେ ଖେଳନ୍ତି ସେ ହୋଲି
ପାଳନ୍ତି ବିଜୟ ଆନନ୍ଦ।।
ଭେଦ ଭାବ ଭୁଲି ସଭିଏଁ ମାଖିବା
ରଙ୍ଗ ଅବିରର ଅଭୁଲା ହୋଲି
ଜାତି ଧର୍ମ ନିର୍ବିଶେଷରେ ଆମେ
ସଭିଏଁ ଖେଳିବା ମନ ଖୋଲି।।
ଉତ୍ତର ପୂରୁବ ଦକ୍ଷିଣ ପଶ୍ଚିମ
ପ୍ରୀତିଭରା ରଙ୍ଗେ ମାରୁଥିବା ପିଚକାରୀ
ସ୍ନେହ ମମତାର ମାୟା ବନ୍ଧନରେ
ଭୁଲି ଯିବା ଆମେ ଶତୃତାର
ସେହି ବନ୍ଧନ ଡୋରି।।
ମନୋମାଳିନ୍ୟତା ହୃଦୟେ ନରଖି
ଖେଳିବା ଅବିର ରଙ୍ଗର ହୋଲି
ଜୀବନ ଯାତ୍ରାଟି ସୁଖମୟ ହେଉ
ଅଶାନ୍ତି ଘରଟା ହେଉ ଖାଲି।।
