ରକ୍ତବିନ୍ଦୁ
ରକ୍ତବିନ୍ଦୁ
1 min
427
ତୋ ମୋ ସମ୍ପର୍କର
ପବିତ୍ର ଦୁଇଟୋପା ରକ୍ତବିନ୍ଦୁ
ପାଲଟି ଯାଇଛି ଆଜି
ରାଗ, ହିଂସା, ଇର୍ଷା ଦ୍ବେଷ
ଅହମିକାର ପାହାଡ ll
କୁଢକୁଢ ପାପ ଧନ
ସଞ୍ଚିବାର ଅଦମ୍ୟ ପ୍ରୟାସ
ଲୁଣ୍ଠି ଅବା ତଣ୍ଟି ଚିପି
ଶୋଷିବାରେ ମିଳିଥାଏ
ଅସରନ୍ତି ଆନନ୍ଦ ll
କାହା ପାଇଁ ମୋର ସବୁ
ଏଇ ଧାଁ ଧପଡ
ଜୀବନର ହିସାବ
ହୋଇଗଲେ ଶୂନ୍ଯ
ପଡିଯିବ ଆପେ ଆପେ
ରୁଦ୍ଧ ଦ୍ବାର ପହଡ ll
ଯିଏ ଥିବ ପାଶେ ମୋର
ଚାହିଁ ଥିବ ମୋ ଆଖିର
ଶେଷ ପଲକ
ଅରଜିବା ସମ୍ପତ୍ତିର
କି ପାଇବି ମୂଲ
ତୁଚ୍ଛ ସବୁ ଶେଷ ବେଳେ
ପୋଡିଦେବେ ନିମିଶକେ
କରି କଲବଲ ll