ରଜ ପଡିଅଛି ଫିକା

ରଜ ପଡ଼ିଅଛି ଫିକା 

ଓଠର ରଞ୍ଜନୀ ଲୁଚିଯାଇଅଛି

ସୁରକ୍ଷା ମାଆସ୍କ୍ ତଳେ,

ମେହେନ୍ଦୀର ଦାଗ ଲିଭିଯାଇଅଛି

ହାତ ଧୋଉଥିବା ବେଳେ ;

କେମିତି ହେବି ମୁଁ ସଜ,

କରୋନା ଭୁତାଣୁ ଦାଉ ସାଧୁଅଛି

ଫିକା ପଡିଅଛି ରଜ।

ବାସୁଅଛି ଖାଲି ସାନିଟାଇଜର୍

ଗଜରା ମହକ କାହିଁ? 

ଟିଭି ପରଦାରେ ସଚେତନ ଗୀତି

ରଜ ଗୀତ ବାଜୁନାହିଁ ;

ପାନ ଖିଲ କଥା ଛାଡ଼,

ରଜ ପାଳିବାକୁ ବାହାରକୁ ଗଲେ

ପୁଲିସ ଦେଉଛି ମାଡ।

ସାଙ୍ଗ ସାଥି ସବୁ ମନା କରିଦେଲେ

ଝୁଲିବେନି ରଜ ଦୋଳି,

ଗାଆଁ ବରଗଛ ଲୁହ ଝରାଉଛି

ପୁରୁଣା କଥାକୁ ଭାଳି ;

କେତେ ଲାଗୁଥିଲା ନାଟ, 

କିଏ ଝୁଲୁଥିଲା କିଏ ଗାଉଥିଲା

ରଜ ଦୋଳି କଟ ମଟ।

ହଉ ହେଲା ଆଉ କରିବା କଅଣ

ଘରେ ମନେଇବା ରଜ,

ସମାଜ ଦୂରତା ପାଳନ କରିବା 

ରହି ଦୂରେ ଦୁଇ ଗଜ ;

ମାନିବା ସବୁ ନିୟମ ,

ଜୀବନ ରହିଲେ ଆର ବରଷକୁ

ରଜ ହେବ ଧୂମଧାମ I