ରଜ ମଉଜ

ଦୋଳି ହେଲା କଟ ମଟ, ମୋ ଭାଇ ମୁଣ୍ଡରେ ସୁନା ମକୁଟ,

ସୁନା ମକୁଟ ଲୋ ଭାଉଜ ପିନ୍ଧିବ ପାଟ l

ପଣସକାଟିଲେ ଅଠା, ବୋଉ କରିଥିଲା ଆରିସା ପିଠା

ଆରିସା ପିଠା ଲୋ,ଖାଇ ଖାଇ ମନ ଚିଟା l

ରଜରେ ବାଣ୍ଟିଲି ପାନ ମୋ ଭାଇ ମୁଣ୍ଡରେ ଫୁଲ ଚନ୍ଦନ

ଫୁଲ ଚନ୍ଦନ ଲୋ, ଭାଉଜ ଜାଣନ୍ତି ମନ l

ସଜନା ଗଛର ଛାଇ, ଭାଇ ମୋ ରହିଲେ ବିଦେଶ ଯାଇ l

ବିଦେଶ ଯାଇ ଲୋ, ଭାଉଜ ରୁହନ୍ତି ଚାହିଁ l

ମହମହ ବାସେ ମଲ୍ଲୀ, ଭାଉଜଙ୍କୁ ନେଇ ମେଳାକୁ ଗଲି

ମେଳାକୁ ଗଲି ଲୋ, କିଣିଦେଲି ପାଟ ଫୁଲି l

କଇଁ ଫୁଲ ରଙ୍ଗ ନେଳି,, ସାଙ୍ଗ ହୋଇ ଆସ ଖେଳିବା ଦୋଳି

ଖେଳିବା ଦୋଳି ଲୋ, ଗୀତ ଗାଇ ରଜ ଦୋଳି l

କୁଳୁ କୁଳୁ ବହେ ନଈ, ଅଳତା ସିନ୍ଦୁର ହୋଇବା ନାଇ l

ହୋଇବା ନାଇ ଲୋ, ପ

Advertisement

ୋଡ଼ ପିଠା ଖାଇ ଖାଇ l

ବିରି ଚାଉଳର ଆଣ, କଉଡ଼ି ଖେଳିବା ପଣ କୁ ପଣ

ପଣ କୁ ପଣ ଲୋ, ଗୋଟି ଗଣି ଗଣି ଆଣ l

ଶିଶୁ ହସେ ଖିଲି ଖିଲି, ଘରେ ଘରେ ପଡେ ତାସ୍ ପାଲି l

ତାସ୍ ପାଲି ଲୋ, ରଜ ରେ ମଉଜ ଖାଲି l

ନଈ ପାଣି କଳ କଳ , ଗାଁ ଦାଣ୍ଡେ ହୁଏ କବାଡି ଖେଳ

କବାଡି ଖେଳ ଲୋ,ଗଛ ମୂଳେ ପଶା ଖେଳ l

ଚାଷ କାମ ତ,ନ ହୁଏ ,ମାଟି ଖୋଳା ତଡା ନ କରନ୍ତି କିଏ l

ନ କରନ୍ତି କିଏ ଲୋ, ଠାକୁରାଣୀ ସ୍ନାନ ଯାଏ l

ରଜ ପର୍ବ ହେଲେ ଶେଷ, ଚାଷ କାମ ହୁଏ ସାରା ବରଷ l

ସାରା ବରଷ ଲୋ, ଚାଷୀ ମୁଖେ ଥାଏ ହସ l