ସ୍ୱଦେଶୀ କିଣ

ମୋ ଦେଶ ମାଟି ପବିତ୍ର ଅତି

ନାହିଁ ତା ସମ କେହି

ତାହାରି ପାଣି ତାର ପବନେ

ବଞ୍ଚିଛି ପରା ମୁହିଁ।

ମୋ ଦେଶ ଗଢ଼ା ଯେତେ ଦରବ

ସବୁ ଯେ ପ୍ରିୟ ମୋର

କାହିଁ କିଣିବି ଅନ୍ୟ ଦେଶର

ନ କିଣି ମୋ ମାଟିର।

ସ୍ୱଦେଶୀ ବସ୍ତୁ, ସୁଲଭ ମୂଲ୍ୟ

ମହଙ୍ଗା ଯେ ବିଦେଶୀ।

କିଣିବା ଆମେ ଦେଶୀ ଦରବ

ଦେଶ ଉଠିବ ହସି।

ଭାରତ ହେବ ବିଶ୍ୱେ ପ୍ରଖ୍ୟାତ

ବଢିବ ତା ଗୌରବ।

ତା ପାଇଁ ତ୍ୟାଗ କରିବା ଆମେ

ବିଦେଶୀ ଯେ ଦରବ।

କାରିଗରଙ୍କ ନିପୁଣ ହାତେ

ଗଢ଼ା ଯେ ଯେତେ ଚିଜ

ସବୁ ଆମରି ଦେଶ ତିଆରି

ଅନ୍ୟ ଦେଶରୁ ଖୋଜ?

ବିଦେଶୀ ବସ୍ତୁ ବର୍ଜନ କର

ସ୍ୱଦେଶୀ ଆପଣାଅ।

କହିବା ଆମେ ଗରବେ ସର୍ବେ

 ଭାରତ ମାତାର ଜୟ।