ରେଶମୀ ଡୋରୀର ଭାବ ବନ୍ଧନ

ଶ୍ରାବଣ ପୂର୍ଣ୍ଣିମା ଏ ଶୁଭ ଦିନ,

ରେଶମୀ ଡୋରୀର ଭାବ ବନ୍ଧନ l

ରେଶମ ଡୋରୀରେ ମୁହିଁ ତିଆରି,

ରାକ୍ଷୀ ନାମଟି ଅଟେ ମୋହରି l

ଶତ୍ରୁତା ଭାବକୁ ଦିଏ ଭୁଲାଇ,

ଭାଇ ଭଉଣୀକୁ ମୁହିଁ ଯୋଡଇ l

ସ୍ନେହ ମମତା ସମ୍ପର୍କର ମୁହିଁ,

ନୀରବରେ ସାକ୍ଷୀ ସଦା ଦିଅଇ l

ରେଶମରେ ସିନା ଅଟେ ତିଆରି,

ସ୍ନେହ ମମତା ସଦା ଦିଏ ଭରି l

ଭଗ୍ନ ହୃଦୟ ଯୋଡିବା ମାଧ୍ୟମ,

ଅସାଧ୍ୟ୍ୟ କାର୍ଯ୍ୟକୁ କରେ ସାଧନ l

ରାକ୍ଷୀ ବାନ୍ଧି ଦେଇ କହେ ଭଉଣୀ,

 ଏତିକି କରୁଛି ଭାଇ ମାଗୁଣି l

ନ କରିଣ ଭାଇ ମତେ ତିରସ୍କାର,

ବିପଦେ ନିଶ୍ଚେ ଠିଆ ହେବ ମୋର l

ଦ୍ରୋପଦୀକୁ ଯେହ୍ନେ ପ୍ରଭୁ କହ୍ନେଇ,

ରଖିଲେ ମାନ କୋଟି ବସ୍ତ୍ର ଦେଇ l

ଦୁଇ ଭାଇଙ୍କର ଏକ ଭଉଣୀ,

ହଳଦୀ ମୁହିଁ ସେ ସୁଭଦ୍ରା ରାଣୀ l

ଦୁଇ ଭାଇ ହାତେ ବାନ୍ଧିଲେ ରାକ

Advertisement

୍ଷୀ,

ଏ ସାରା ଜଗତ ରହିଲା ସାକ୍ଷୀ l

ପର ନ କରିବ ଭାଇ ମୋହର,

ସର୍ବଦା ରଖିବ ପାଖେ ତୁମର l

ଭାଇ ଭଉଣୀଙ୍କ ଭାବ ବନ୍ଧନ,

ଜଗନ୍ନାଥ ସ୍ୱୟଂ ଉଦାହରଣ l

ଶ୍ରାବଣ ପୂର୍ଣ୍ଣିମା ଶୁଭ ଲଗନ,

 ବଳରାମ ଙ୍କର ଜନମ ଦିନ l

ଭିକାରୀ ଠାରୁ କୋଟିପତି ଯାଏ,

ଭାଇ ହାତେ ଭଗ୍ନି ରାକ୍ଷୀ ବାନ୍ଧି ଥାଏ l

ମାନେ ନାହିଁ ମୁହିଁ ଧନୀ ଗରୀବ,

ଅଥବା ଜାତି, ଧର୍ମ, ଭେଦଭାବ l

ଇତିହାସ ତାର ଦିଅଇ ସାକ୍ଷୀ,

ରେଶମ ଡୋରେ ତିଆରି ମୁଁ ରାକ୍ଷୀ l

ଦିଲ୍ଲୀ ର ବାଦଶାହା ହୁମା୍ୟୁନ,

କରୁଣାବତୀ ଙ୍କ ରଖିଲେ ମାନ l

ରେଶମୀ ଡୋରୀର ଭାବ ବନ୍ଧନ,

ଭାଇ ତୁମକୁ ମୋ ରହିଲା ରାଣ l

ନତୁଟିବ କେବେ ଭାବ ବନ୍ଧନ,

ଯୁଗ ଯୁଗର ଏ ସମ୍ପର୍କ ଆମ l

ହିନ୍ଦୁ ପରମ୍ପରା ଆମର ଏହି,

ସବୁ ଯୁଗରେ ସଦା ଥିବ ରହି l