ପ୍ରଥମାଷ୍ଟମୀ
ପ୍ରଥମାଷ୍ଟମୀ
ପ୍ରଥମ ଅଷ୍ଟମୀ ପୋଢୁଅଁ ଅଷ୍ଟମୀ
ମାର୍ଗଶୀର କୃଷ୍ଣ ପକ୍ଷ
ପର୍ବ ଓଡ଼ିଶାର ସବୁ ଘରେ ଘରେ
ପାଳିତ ହୁଅଇ ଦେଖ ।
ଜ୍ୟେଷ୍ଠ ସନ୍ତାନ ଯେ ପୁଅ ଅବା ଝିଅ
ପୂଜିତ ହୁଏ ସେଦିନ
ନୂଆ ବସ୍ତ୍ର ସଙ୍ଗେ ନାନା ପିଠା ପଣା
ମାମୁଁ ଘରୁ ଆସେ ଜାଣ।
ଅଥରା ହାଣ୍ଡିରେ ସିଝା ହୋଇଥାଏ
କେତେ ରକମର ପିଠା
ଏଣ୍ଡୁରି ଉଦୁର୍ଚ୍ଛି ଆରିସା କାକରା
ଅନେକ ପ୍ରକାର ମିଠା ।
ପିଢ଼ା ପରେ ଆଙ୍କି ଚିହ୍ନ ପତାକାର
ପୁଅକୁ ବସାଇ ଥାନ୍ତି
ଝିଅ ପାଇଁ ପଦ୍ମଫୁଲ ଚିତା ଲେଖି
ଶୁଭ ମନାସି ପୂଜନ୍ତି ।
ଶ୍ରୀମନ୍ଦିରେ ଜ୍ୟେଷ୍ଠ ଭାଇ ବଳଭଦ୍ର
ନୂତନ ବସ୍ତ୍ର ପିନ୍ଧନ୍ତି
ଲିଙ୍ଗରାଜ ମହାଦେବ ମହାପ୍ରଭୁ
ମିତ୍ରେଶ୍ବର ଯାଇଥାନ୍ତି ।