ଜୀବନର ଖୁସି

ସ୍ୱପ୍ନ ଟିକେ ଦିଅରେ ମୋତେ

ସୁଯୋଗ ଟିକେ ଦିଅ

ଝିଅ ନୁହେଁ ମୁଁ ହେବି ତ ଦିନେ

ତୁମରି ସୁନା ପୁଅ।

ମା ପେଟରୁ କାହିଁକି ମୋତେ

ଦେଉଛ ତୁମେ ମାରି

ଦିନ ଆସିବ ଝିଅଟେ ପାଇଁ

ହେବରେ ମୁଣ୍ଡ କୋଡ଼ି।

ମୋତେ କି ଛାଡି ସୃଷ୍ଟି ତୁମର

ସମ୍ଭବ ହେବ କୁହ

ମୁଁ ନ ଥିଲେ କିଏ ସେ ତୁମର

ମା ହୋଇବ କୁହ ?

ମା ର ବିନେ ସୃଷ୍ଟି ଆଗକୁ କିବା

ବଢି ପାରିବ କେବେ

ଏଇ ଛୋଟିଆ କଥାଟି ତୁମେ

ହେଜି ପାରୁନ ଲବେ ?

ସମୟ ଆସିଛି ବୁଝରେ ତୁମେ

ଝିଅ ହେଉ କି ପୁଅ

ସନ୍ତାନ ଆମ ଜୀବନର ଖୁସି

ତାଙ୍କରି ପାଇଁ ହସେ ମୁହଁ।