Library
Profile
ଗୁରୁବାରୀ
ଗୁରୁବାରୀ
ଗୁରୁବାରୀ ଲୋ ଗୁରୁବାରୀ ,
ରାନ୍ଧୁଛୁ ବାଇଶି ତରକାରୀ,
ହେଣ୍ଟାଳ ମାରିକି କାଳିଆ ବଳିଆ
ଭକତେ ଖାଆନ୍ତି ମଜା ମାରି l
ଶିରୀମନ୍ଦିରରେ ତୁହି ଶିରି,
ତୋତେ ତେଜ୍ୟା କଲେ ବୋଲି ଟେରି
କି ମାୟା କରିଲୁ ଦାଣ୍ଡରେ ବୁଲିଲେ
ଛାଡ଼ି ଗଲା ତାଙ୍କ ବାହାଦୁରୀ l
ରଥ ଯାତ୍ରା କଲେ କ୍ଷେତ୍ର ଶିରି,
ଭଗ୍ନୀ ସୁଭଦ୍ରାକୁ ସାଥେ ଧରି,
ଭକତଙ୍କ ଖୋଳ କୀର୍ତ୍ତନ ତାଳରେ
ଭାରିଯାକୁ ଗଲେ ପର କରି l
ଗୁଣ୍ଡିଚା ମନ୍ଦିରେ ବିଜେ କରି,
ସୁଭଦ୍ରା ହସନ୍ତି କିରି କିରି,
ହେରା ପଞ୍ଚମୀରେ ନନ୍ଦିଘୋଷ ଭା
ଙ୍ଗି
ଫେରିଲୁ ଦେଇ ହେରା ଗୋହିରି l
ବସିଲୁ ମନ୍ଦିର କିଳି କରି,
ଲକ୍ଷ୍ମୀ ନାରାୟଣ କଳି ହୁରି,
ରସଗୋଲା ଖାଇ ମନ୍ଦିର ଫେଡ଼ିଲୁ
ମନ୍ଦିରକୁ ନେଲୁ ପ୍ରଭୁ ବରି l
ରଖିଥା କଥାକୁ ଗଣ୍ଠି କରି,
କେଣେ ଯିବେ ପ୍ରଭୁ ନୀଳଗିରି,
ମାଆ ବୋଲେ ଅଭିମାନ କି କରିବି
ସେ ପ୍ରଭୁ ମୁଁ ତାଙ୍କ ସେବାକାରୀ l
ଗୁରୁବାରୀ ଲୋ ଗୁରୁବାରୀ,
ଆଜି ଗୁରୁବାରେ ପୂଜା କରି,
ଦୋଷ ନ ଧରିବୁ ଗୁହାରୀ ତୋ ପଦେ
ପୁତ୍ର ମଣି ଦେବୁ କ୍ଷମା କରି l
